Մեղադրանք է ներկայացվել Վորոնեժից 45-ամյա վարորդ Վյաչեսլավ Դմիտրիենկոյին, ով կալանավորվել է ԱԻՆ-ի Իվանովի ակադեմիայի տեղական մասնաճյուղի կուրսատին կանխամտածված կերպով վթարի ենթարկելու համար: Այս մասին ասել է ՌԴ ՔԿ մարզային քննչական վարչության ղեկավարի օգնական Ելենա Մանուկովսկայան, հաղորդում է ՏԱՍՍ-ը:
«Քննիչը 45-ամյա տեղական բնակչին մեղադրանք է ներկայացրել հանցագործության կատարման համար ՌԴ ՔՕ 105-րդ հոդվածի 1-ին մասով եւ 30-րդ հոդվածի 3-րդ մասով («մահափորձ»)», - ասել է նա:
Ապրիլի 10-ի գիշերը Վորոնեժում ոստիկանության հատուկ ստորաբաժանման աշխատակիցները ձերբակալել էին Mercedes մեքենայի վարորդ Վյաչեսլավ Դմիտրիենկոյին, ով կանգառում դիտավորյալ վթարի էր ենթարկել Դավիթ Գեւորգյանին եւ փախուստի դիմել դեպքի վայրից:
Քննիչները մահափորձի հոդվածով քրեական գործ են հարուցել:
Կուրսանտին հոսպիտալացրել են գլխուղեղի ցնցումով եւ այլ վնասվածքներով: Վորոնեժի Լենինիսկի դատարանը ապրիլի 11-ին կալանավորել է Դմիտրիենկոյին մինչեւ հունիսի 10-ը:
Ըստ քննության՝ վարորդը չի ընդունել մեղքը:
«Նա հրաժարվել է ցուցմունք տալ՝ օգտվելով ՌԴ ՔԴՕ 47-րդ հոդվածով նախատեսված իրավունքից», - հավելել է ՔԿ ներկայացուցիչը:
