ԵՏՄ-ն պետք է մասնակիցների համար հավասար պայմաններով լիարժեք տնտեսական միություն դառնա: Այս մասին Բելառուսի նախագահ Ալեքսանդր Լուկաշենկոն ասել է բելառուս ազգին եւ Ազգային ժողովին ուղղված ուղերձում, հաղորդում է ԲԵԼՏԱ-ն:
Պետության ղեկավարն ընդգծել է, որ Բելառուսի համար կարեւոր չէ հանուն ինտեգրման ինտեգրումը:
«Մենք կոնկրետ նպատակների հասնելու ակնկալիքներ ունենք, որոնք շոշափելի արդյունք կտան մեր երկրների ժողովուրդների եւ տնտեսությունների համար: ԵՏՄ-ն պետք է մասնակիցների համար հավասար պայմաններով լիարժեք տնտեսական միություն դառնա: Այս խնդրի լուծումը կդառնա 2020-ին այդ կազմակերպությունում մեր նախագահության գերակա ուղղությունը», - ասել է Լուկաշենկոն:
Այսօր Բելառուսը պատրաստ է առեւտրայի ուղու ավելի նշանակալի դեր խաղալ ԵՏՄ բազմամիլիոնանոց շուկայի եւ ԱՊՀ երկրների համար», -հավելել է նախագահը:
Խոսելով Արեւելքում արտաքին քաղաքականության գերակայությունների մասին, Լուկաշենկոն նշել է, որ այստեղ ջանքերն ուղղված են հետխորհրդային տարածքում ինտեգրման միավորումներում ակտիվ մասնակցությանը:
Բելառուսը հավատարիմ հետեւում է 20 տարի առաջ իր որդեգրած Միութենական պետություն ստեղծելու ուղղությանը: Առաջնահերթությունների թվում Ալեքսանդր Լուկաշենկոն նշել է նաեւ ԱՊՀ-ում համագործակցությունը՝ նշելով, որ նրա անդամ շատ երկրների համար սա փաստացի միակ հարթակն է ոչ միայն առեւտրային, այլ նաեւ քաղաքական երկխոսության համար:
