Իրանական ցեմենտի վրա տուրքի սահմանման մասին օրինագիծը միանշանակ աջակցության չի արժանացել, քանի որ եթե ցեմենտի բաղադրիչներից մեկը շարունակում է ներմուծվել, այլ ոչ թե արտադրվել Հայաստանի տարածքում, ապա դա կբխի միայն մի քանի ընկերությունների շահերից։ Այդ մասին ապրիլի 19-ին Ազգային ժողովի նիստում, «Պետական տուրքի մասին» օրենքում լրացումներ մտցնելու, ինչպես նաեւ «Գործունեության իրականացման իրազեկման մասին» օրենքում լրացումներ կատարելու մասին օրինագծերի փաթեթը քննարկելիս, ասել է խորհրդարանի տնտեսական հարցերի մշտական հանձնաժողովի ղեկավար, «Իմ քայլը» խմբակցության պատգամավոր Բաբկեն Թունյանը։
Նրա խոսքով՝ թեեւ խոսվում է այն մասին, որ իրանական ցեմենտն ավելի էժան է, քանի որ այնտեղ գազն է ավելի էժան, բայց եթե ցեմենտ արտադրողները Հայաստանում գազն ու էլեկտրաէներգիան պետությունից անվճար ստանան, ապա հանրապետույթունում արտադրվող ցեմենտը, անգամ եթե էապես թանկ արժենա, քան իրանականը, դա էլ է կասկածելի։
Պատգամավորը տեղեկացրել է, որ այս բոլոր հանգամանքները պարզելու համար նախատեսվում է ստեղծել ենթահանձնաժողով հարցի համապատասխան պրոֆեսիոնալ հետազոտության համար, ինչի հիման վրա պետք է ընդունվի հիմնական որոշումը։
Հիշեցնենք, որ խորհրդարանն ընդունել է օրինագծեր՝ մերժելով «Բարգավաճ Հայաստանի»՝ նաեւ հումքի տուրք մտցնելու համառ պահանջները։