«Լուսավոր Հայաստան» խորհրդարանական խմբակցությունն առաջարկում է մերժել կամ հետ կանչել իրանական ցեմենտի ներկրման 22000 դրամ տուրքի սահմանման մասին օրինագիծը։ Այս մասին ապրիլի 19-ին Ազգային ժողովի նիստում, «Պետական տուրքի մասին» օրենքում լրացումներ մտցնելու, ինչպես նաեւ «Գործունեության իրականացման իրազեկման մասին» օրենքում լրացումներ կատարելու մասին օրինագծերի փաթեթը քննարկելիս, ասել է «Լուսավոր Հայաստան» կուսակցության եւ նրա խմբակցության ղեկավար Էդմոն Մարուքյանը։
Նրա կարծիքով՝ մինչ օրինագիծը քննարկելը անհրաժեշտ էր համակողմանի քննարկում եւ հետազոտություն իրականացնել բոլոր շահագրգիռ կողմերի մասնակցությամբ։ Ընդ որում՝ Մարուքյանը հավելել է, որ իրենց խմբակցությունը դեմ կքվեարկի այդ օրինագծին, որը չի նախատեսում տուրքի բարձրացում ցեմենտի կլինկերի համար (միջանկյալ ապրանք ցեմենտի արտադրության ժամանակ)։
Հիշեցնենք, որ խորհրդարանը ընդունել է օրինագծերը՝ մերժելով «Բարգավաճ Հայաստանի» համառ պահանջները՝ տուրք մտցնել նաեւ հումքի համար։