News
Լրահոս
News
Շաբաթ
Մայիս 25
Տեսնել լրահոսը

Շատ շուտով պլանշետային համակարգիչները, որոնք դեռ վերջերս մեծ ժողովրդականություն էին վայելում, կարող են պատմության շրջված էջ դառնալ։ Ըստ մի շարք ԶԼՄ-ների, ASUS ընկերությունը որոշել է դադարեցնել Android-պլանշետների ստեղծման աշխատանքը՝ սարքերի ցածր պահանջարկի պատճառով՝ հայտնում է Planet Today-ը։

Եթե հավատանք cnBeta թերթի աղբյուրներին, որոնք ծանոթ են թայվանական ընկերության ծրագրերին, ASUS-ի մասնագետները այդ որոշումը պատահաբար չեն կայացրել։ Պարզվում է՝ Android-ով պլանշետների հանդեպ հետաքրքրությունը սրընթաց անկում է ապրում, եւ այժմ դրանք արտադրող ընկերությունները զգալի վնասներ են կրում։ Բացառություն է կազմում միայն Apple-ը, որի երկրպագուների բազան թույլ է տալիս պլանշետները նախկինի պես վաճառել։

Աղբյուրը նաեւ հայտնում է ժողովրդականությունը կորցնելու պատճառը։ Դժվար չէ կռահել, որ անկման գլխավոր մեղավորը սմարթֆոններն են, որոնց էկրանները այնքան էլ փոքր չեն պլանշետների էկրաններից։ Այդ պատճառով մարդիկ գերադասում են օգտագործել իրենց հեռախոսները, քան օգտվել մի քանի սարքերից։

Սակայն ASUS-ը չի պատրաստվում լքել գրպանային անհատական համակարգիչների տարածքը։ Ընկերությունը պատրաստվում է այդ ոլորտում հիմնական ուշադրությունը սեւեռել սեփական ZenFone սմարթֆոնների շարքի զարգացմանը։ Իսկ, ահա, պլանշետները ընդհանրապես կդադարեն թողարկվել։

!
Այս նյութը հասանելի է նաև   Русский
Տպել
Կարդացեք նաև
Ամբողջը