Հյուսիսային Մակեդոնիայում մեկնարկել են նախագահական ընտրությունները, որոնք դիտարկվում ենք որպես առանցքային թեստ կառավարության համար Հունաստանի հետ բազմամյա վեճին վերջ տալու համար երկրի անվանափոխությունից հետո, հաղորդում է AP-ը:
Ավելի քան 3400 ընտրատեղամասեր բացվել են տեղական ժամանակով առավոտյան 7-ին եւ կփակվեն երեկոյան 7-ին:
Երեք պրոֆեսոր պայքարում են նախագահի պաշտոնի համար, որը մեծամասամբ կրում է արարողակարգային բնույթ:
Մասնավորապես, նախագահի պաշտոնին են հավակնում Գորդան Սիլյանովսկա Դավկովան VMRO-DPMNE հիմնական պահպանողական ընդդիմադիր կուսակցությունից, Ստեվո Պենդարովսկին՝ իշխող սոցիալ-դեմոկրատների եւ 30 փոքր կուսակցություններից առաջադրված միասնական թեկնածուն, եւ Բլերիմ Ռեկան, որին սատարում են էթնիկ ալբանացիների երկու փոքր կուսակցությունները:
Թեկնածուն պետք է հավաքի ձայների 51 տոկոսն առաջին փուլում հաղթելու համար: