Հայաստանի ԱԻՆ-ում, ապրիլի 21-ին, ժամը 23:36-ին 911 ծառայությանն ահազանգ է ստացվել, որ Հրազդան-Հանքավան ավտոճանապարհին՝ Մարմարիկի ջրամբարի մոտակայքում, տեղի է ունեցել քարաթափում, ինչի հետևանքով ճանապարհը դարձել է միակողմանի երթևեկելի։
Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը:
Պարզվել է, որ Հ-28 ավտոճանապարհի Հրազդան-Հանքավան հատվածի 26-րդ կմ-ին տեղի է ունեցել քարաթափում՝ մասամբ փակելով ավտոճանապարհը (մոտ 70 մ երկարությամբ և 0.5 մ լայնությամբ)։
Փրկարարներն ավտոճանապարհից հեռացրել են քարերը (13 քար՝ մոտ 3 խմ)՝ դարձնելով ավտոճանապարհը երթևեկելի:
