Ուկրաինայում անցկացված նախագահական ընտրությունների պաշտոնական արդյունքները կհրապարակվեն ապրիլի 30-ին: Այս մասին հայտարարել է Ուկրաինայի ԿԸՀ ղեկավարի տեղակալ Եվգենի Ռադչենկոն:
Նրա խոսքով՝ ընտրությունների նախնական արդյունքները հայտնի կլինեն 2-3 օրից:
Նա հավելել է, որ խոսքը էլեկտրոնային արձանագրությունների արդյունքների մասին է:
Ուկրաինայի նախագահական ընտրությունների երկրորդ փուլին մասնակցությունը կազմել է 62,09 տոկոս, հայտնում է ՈՒՆԻԱՆ-ը՝ վկայակոչելով երկրի ԿԸՀ-ին:
Նշվում է, որ ընտրողներն առավել ակտիվ են քվեարկել Կիեւում (65,85 տոկոս), Լվովի եւ Դնեպրոպետրովսկի մարզերում (համապատասխանաբար՝ 67,34 եւ 65,82 տոկոս):
Ամենացածր մասնակցությունը գրանցվել է Անդրկարպատներում (46,38 տոկոս):