Կուբայի արեւմուտքում 2 բեռնատարի մասնակցությամբ ճանապարհային պատահարի հետեւանքով տուժել է 32 մարդ, ներառյալ 12 երեխա:
Guerrillero-ն հայտնում է, որ պատահարը տեղի է ունեցել Պինար դել Ռիո նահանգի Սան Խուան-ի-Մարտինես համայնքում:
Ենթադրվում է, որ բեռնատարները մարդկանց են տեղափոխել: Բոլոր տուժածները հոսպիտալացվել են:
Հունվարին հաղորդվել էր, որ Կուբայում առնվազն 7 մարդ էր մահացել, 33-ը տուժել, երբ 40 ուղեւորով ավտոբուսը շրջվել էր Գուանտանամո նահանգում: