Վրաստանի ՆԳՆ-ն հետաքննություն է սկսել Պանկիսի կիրճում ոստիկանության աշխատակիցների վրա հարձակման եւ տեխնիկան վնասելու փաստով Վրաստանի ՔՕ 353 եւ 187-րդ հոդվածներով, ինչը ենթադրում է հարձակում ոստիկանի վրա եւ այրելու միջոցով նրա իրի վնասում, հաղորդում է «Առաջին ալիքը»:
«Պանկիսի կիրճում փոքր հիդրոէլեկտրակայանի կառուցման վերսկսման կապակցությամբ անվտանգության ապահովման համար ժամը 08: 00-ից Կախեթիի ոստիկանության 35 աշխատակիցներ մոբիլիզացվել են:
Տեղացիների որոշակի խումբ հարձակվել է ոստիկանության վրա, փայտեր եւ քարեր նետել, ինչի հետեւանքով լրացուցիչ ոստիկանական ուժեր են մոբիլիզացվել: Մի խումբ քաղաքացիներ տեղում դիմադրություն են ցույց տվել ոստիկաններին: Վնասվել է ոստիկանական տեխնիկան, տուժել են ոստիկանության աշխատակիցներ եւ քաղաքացիներ», — ասվում էգերատեսչության հաղորդագրությունում: