Տուժածները եւ զոհերի հարազատները տվյալ օրենքի ուժի մեջ մտնելուց հետո փոխհատուցման ստացման դիմումներ Կառավարություն կարող են ներկայացնել 3 տարվա ընթացքում:
Ազգային ժողովի նիստին «2008 թ. մարտի 1-2-ին Երեւանում տեղի ունեցած իրադարձությունների հետեւանքով տուժած քաղաքացիներին փոխհատուցում վճարելու մասին» օրինագծի քննարկման ժամանակ այս մասին հայտնեց արդարադատության նախարար Արտակ Զեյնալյանը:
Նրա խոսքով՝ այդ ժամանակահատվածն անհրաժեշտ է տվյալ իրադարձությունների զոհերին հայտնաբերելու, մի շարք փաստաթղթերի հաշվին ապացուցողական բազայի ձեւավորման համար եւ այլն: Զեյնալյանը նաեւ նշեց, որ օրինագիծը միաձայն դրական եզրակացություն է ստացել ԱԺ պետաիրավական հանձնաժողովում:
Հիշեցնենք, որ 2008 թվականի մարտի 1-ի իրադարձությունների ժամանակ զոհվել էր 8 ցուցարար եւ Ներքին զորքերի 2 ծառայող:
Նշենք, որ ներկայացված օրինագծով նախատեսվում է փոխհատուցոևւմներ վճարել 2008 թ. մարտի 1-2-ին Երեւանում ցույցերի ցրման հետեւանքով զոհված անձանց ընտանիքներին:
Սակայն փոխհատուցում կստանան ոչ միայն զոհերի հարազատները, այլեւ ծանր եւ միջին ծանրության վնասվածքներ ստացած քաղաքացիները:
