Առաջարկվում է փոխհատուցումներ հատկացնել որ միայն 2008 թ. մարտի 1-2-ին Երեւանում ցույցերի ցրման հետեւանքով զոհված անձանց ընտանիքներին, այլեւ ծանր եւ միջին ծանրության վնասվածքներ ստացած քաղաքացիներին: Ազգային ժողովի նիստին «2008 թ. մարտի 1-2-ին Երեւանում տեղի ունեցած իրադարձությունների հետեւանքով տուժած քաղաքացիներին փոխհատուցում վճարելու մասին» օրինագծի քննարկման ժամանակ այս մասին հայտնեց «Իմ քայլից» խորհրդարանի փոխխոսնակ, օրինագծի համահեղինակ Լենա Նազարյանը՝ պատասխանելով «Լուսավոր Հայաստան» կուսակցության խմբակցության քարտուղար Գեւորգ Գորգիսյանի հարցին:
Նազարյանը սակայն չմանրամասնեց, թե ինչ աջակցություն կցուցաբերվի քաղաքացիներին՝ նշելով միայն, որ տվյալ հարցը կպարզաբանի Կառավարությունը: Նրա խոսքով՝ տվյալ օրինագիծը նախաձեռնվել էր հասարակության համերաշխության աջակցության եւ ամրապնդման նպատակով:
