Իրանը ԱՄՆ-ի բոլոր պատժամիջոցներն անօրինական է համարում, իսկ պատժամիջոցներից ազատելու հրաժարումն՝ «անօգուտ»։ Այս մասին հայտարարել է Իրանի ԱԳՆ պաշտոնական ներկայացուցիչ Սեյեդ Աբբաս Մուսավին՝ հայտնում է Mehr-ը։
«Հաշվի առնելով այն փաստը, որ պատժամիջոցներն, ըստ էության, անօրինական են, Իրանը համարում է, որ պատժամիջոցներից ազատելու արգելքը անօգուտ է»,- հայտարարել է Մուսավին։
Նրա խոսքերով, պատժամիջոցների բացասական հետեւանքները հաշվի առնելով՝ Իրանը խորհրդակցություններ է անցկացրել արտասահմանյան գործընկերների հետ՝ ներառյալ եվրոպական եւ միջազգային կազմակերպությունները։
Ինչպես տեղեկացվում էր նախկինում, ԱՄՆ վարչակազմը պաշտոնապես հայտարարել է , որ չի երկարաձգի իրանական նավթի ներկրման պատժամիջոցներից ազատելու ժամկետը։ Նշենք, որ պատժամիջոցներից ազատման ժամկետը, որը ստացել էին Չինաստանը, Հունաստանը, Հնդկաստանը, Իտալիան, Ճապոնիան, Հարավային Կորեան, Թայվանը եւ Թուրքիան, լրանում է մայիսի 2-ին։