Apple-ն Amazon-ին ամսական ավելի քան 30 մլն դոլար է վճարում AWS ամպային ծառայությունների օգտագործման համար:
Եթե ծախսերը պահպանվեն ընթացիկ մակարդակում, ընդհանուր առմամբ մեկ տարվա ընթացքում դրանք կհասնեն 360 մլն դոլարի՝ ավելի քան 10 տոկոսով գերազանցելով նախորդ տարվանը, հաղորդում է IXBT-ն:
Աղբյուրի խոսքով՝ Apple-ի այս ծախսերն արտացոլում են արագ եւ հուսալի օնլայն ծառայություններ տրամադրելու ընկերության վճռականությունը, ինչպիսիք են iCloud-ը, անգամ, եթե դա կախված է մրցակցից:
Քանի որ Apple-ի հիմնական արտադրանքի՝ սմարթֆոնների շուկան մոտենում է հագեցմանը, ընկերությունն ավելի շատ ուշադրություն է դարձնում օնլայն ծառայություններին:
Հայտնի է, որ վերջերս արտադրողը դադարել էր հրապարակել iPhone-ի եւ մյուս սարքերի վաճառքների որակական ցուցանիշները: Սակայն մամուլում ավելի քիչ ուշադրություն է դարձվում նրան, որ Apple-ը սկսել է մանրամասն տեղեկություններ ներկայացնել ծառայությունների եկամուտների մասին, այդ թվում iOS App Store-ի, AppleCare-ի, Apple Pay-ի եւ iCloud-ի: Սա զարմանալի չէ, եթե հիշենք, որ աշխարհում Apple-ի ավելի քան մեկ միլիարդ սարքեր են օգտագործվում, որոնց աշխատանքը այս կամ այն չափով կապված է ամպային ծառայությունների հետ:
Ընկերությունը մեծ միջոցներ է ներդնում սեփական ենթակառուցվածքի ստեղծման մեջ. 2018-ի հունվարին Apple-ը հաղորդել էր ԱՄՆ-ում տվյալների մշակման կենտրոնների համար 5 տարվա ընթացքում 10 մլրդ դոլար հատկացնելու ծրագրերի մասին: Դեկտեմբերին ընկերությունը մանրամասնել էր, որ այդ գումարից 47.5 մլրդ դոլարը պատարստվում է ծախսել 2019 թվականի ընթացքում:
Աղբյուրի տվյալներով՝ որոշ ժամանակ առաջ Apple-ը համաձայնագիր է ստորագրել, որով պարտավորվում է AWS-ի համար առնվազն 1.5 մլրդ դոլար ծախսել 5 տարվա ընթացքում: Համեմատության համար՝ վերջին ֆինանսական տարում Apple-ի բոլոր օպերացիոն ծախսերը կազմել են 30.94 մլրդ դոլար: