Այսօր Նիկոլ Փաշինյանը ամեն ինչի մասին խոսեց՝ բացի կոնկրետ հայեցակարգից։ ՀՀԿ խոսնակ Էդուարդ Շարմազանովն այսպիսի գնահատականով գրառում է արել ֆեյսբուքյան իր էջում՝ անդրադառնալոով վարչապետ Նիկոլ Փաշինյանի այսօրվա դիտարկմանը, թե չունենք Ղարաբաղի հարցի լուծման հայեցակարգ։
Նրա գրառման մեջ, մասնավորապես, ասված է․
«Այսօր Նիկոլ Փաշինյանը հերթական ֆռցնոցին արեց: Այս անգամ Արցախյան հարցի հետ կապված: Ամեն ինչից խոսեց՝ բացի կոնկրետ հայեցակարգից:
Բա ասում էր Արցախի հարցում հայեցակարգ ունի, որը ո՛չ Լևոնի,ո՛չ Ռոբերտի,ո՛չ Սերժի հայեցակարգերի հետ կապ չունի:
Բա ու՞ր է էդ հայեցակարգը, Նիկոլ ջան: Պարզվեց՝ չկա հայեցակարգ:
Քայլողների հերոսը հերթական անգամ իրենից պատասխանատվությունը գցեց հանրության վրա:
Հ.Գ.
Աղքատության պատճառը ժողովրդի ուղեղում է: Արցախյան հարցի լուծումը ևս...
Բա դու ինչի՞ համար ես,այ ընկեր: Դու վարչապե՞տ ես, թե՞ ձրի խորհրդատու-փորձագետ»։
Հիշեցնենք, որ այսօր ԵՊՀ տնտեսագիտական ֆակուլտետում դասախոսների եւ ուսանողների հետ հանդիպմա ժամանակ վարչապետ Նիկոլ Փաշինյանը նշել էր՝ «Չունենք հայեցակարգ՝ ինչպես ենք ուզում լուծվի Ղարաբաղի հարցը. երբ ինձ ուղարկում եք բանակցելու, չեք ասում՝ կգնաս ու հարցը այսպես կլուծես»։ Նա նաեւ հայտարարել էր, որ Ղարաբաղի հարցի լուծողը ժողովուրդն է․ «Բնականաբար ունեմ, բայց ես չեմ ուզում դա լինի իմ պատկերացումը, որովհետև ես շարունակում եմ մնալ այն կարծիքին, որ Ղարաբաղի հարցի լուծողը ոչ մի նախագահ, ոչ մի վարչապետ, ոչ մի կառավարություն չի: Ղարաբաղի հարցի ամբողջ սեփականատերը հայ ժողովուրդն է: Եվ ամբողջ հայ ժողովուրդը պետք է հստակ պատկերացնի, թե այդ հարցի հետ ինչ պետք է լինի»: