Sky News հեռուստաալիքը հրապարակել է տեսանյութ, որտեղ երեւում է ահաբեկչություններից մեկի հնարավոր կատարողը, տեղեկացնում է ՌԻԱ «Նովոստի»-ն։
Պայթյունից առաջ նկարահանված կադրերում երեւում է, թե ինչպես է թխամազ տղամարդը մեծ ուսապարկով գնում փողոցով դեպի եկեղեցի։ Տեսանյութն ընդհատվում է, հենց որ տղամարդը մտնում է շենք։
Կիրակի՝ ապրիլի 21-ին, Շրի Լանկայում կաթոլիկական Զատկի արարողության ժամանակ որոտացել է ութ պայթյուն։ Առաջին վեցը՝ Կոլոմբոյի, Նեգոմբոյի եւ Բաթիկալոայի տաճարներում եւ հյուրանոցներում, յոթերորդը՝ կղզու արեւմուտքում, ութերորդը՝ Կոլոմբոյի բնակելի արվարձանում։ Ինչպես տեղեկացրել են տեղական լրատվամիջոցները, ահաբեկչությունները կատարել են մահապարտները։ Վերջին տվյալներով՝ զոհվել է 321 մարդ, ավելի քան 500 վնասվածքներ է ստացել։
Եվս մեկ ռումբ, որը հայտնաբերվել է Կոլոմբոյում, բեռնատարի մեջ, իրավապահները վնասազերծել են երկուշաբթի։
Երկրի իշխանությունները ապրիլի 23-ը հայտարարել են սգո օր։