News
Լրահոս
News
Երկուշաբթի
Մայիս 20
Տեսնել լրահոսը

2018թ. հուլիսի 24-ին «Լիդիան Արմենիա» ընկերությունը բողոք էր ներկայացրել Ոստիկանության Վայոց Ձորի մարզային վարչության Ջերմուկի բաժին` Ամուլսարի ճանապարհները ապօրինի շրջափակած անձանց դեմ քրեական գործ հարուցելու պահանջով, ՀՀ Արարատի եւ Վայոց Ձորի ընդհանուր իրավասության դատարանը բավարարել էր ընկերության դիմումը, իսկ ս.թ. ապրիլի 19-ին ՀՀ վերաքննիչ քրեական դատարանը մերժել է առաջին ատյանի դատարանի որոշումը վերանայելու մասին Վայոց Ձորի դատախազության դիմումը՝ ուժի մեջ թողնելով դատարանի որոշումը։ Այս մասին NEWS.am-ին հայտնում են «Լիդիան ինթերնեյշնլ» ընկերությունից։

«Ոստիկանությունը եւ դատախազությունը մերժել էին դիմումը, որի հետեւանքով 2018թ. սեպտեմբերի 30-ին Լիդիանը դիմել էր ՀՀ Արարատի եւ Վայոց Ձորի ընդհանուր իրավասության դատարան՝ Ոստիկանության որոշումը վերանայելու պահանջով: 2018թ. հունվարի 18-ին դատարանը բավարարել էր Լիդիանի դիմումը՝ արձանագրելով, որ Ոստիկանությունը պարտավոր էր քրեական գործ հարուցել՝ հիմք ընդունելով առերեւույթ իրավախախտումները:

Ս.թ. ապրիլի 19-ին ՀՀ վերաքննիչ քրեական դատարանը մերժել է առաջին ատյանի դատարանի որոշումը վերանայելու մասին Վայոց Ձորի դատախազության դիմումը՝ ուժի մեջ թողնելով դատարանի որոշումը:

Դատախազությունը Վերաքննիչ քրեական դատարանի որոշումը ստանալուց հետո 15 օրվա ընթացքում կարող է բողոքարկել այն ՀՀ վճռաբեկ դատարան: Վճռաբեկ դատարան չդիմելու կամ դատարանի կողմից բողոքը մերժելու դեպքում, ընդհանուր իրավասության դատարանի որոշումը կմնա ուժի մեջ եւ դատախազությունը պարտավոր կլինի քրեական գործ հարուցել ՀՀ քրեական օրենսգրքի խուլիգանության եւ ինքնիրավչության հոդվածներով նախատեսված հանցակազմերի հատկանիշներով:

Լիդիանի նախագահ եւ գլխավոր գործադիր տնօրեն Ժոաո Կարրելոն այս առիթով ասել է, - «Լիդիանի դեմ ուղղված բոլոր անօրինական գործողություններն ու անգործությունը թե՛ ազգային, թե՛ միջազգային օրենքների խախտում են: Դատարանների վերջին որոշումները հաստատում են Լիդիանի դիրքորոշումը կապված ճանապարհների անօրինական շրջափակման հետ, ինչի հետեւանքով Լիդիանը զրկվել է գործունեություն ծավալելու իր օրինական իրավունքից: Հուսով ենք, որ Հայաստանի իշխանություններն անհապաղ կհետեւեն դատարանի որոշումներին, կհարուցեն քրեական գործը եւ կհատուցեն ճանապարհների ապօրինի շրջափակման հետեւանքով Լիդիանին պատճառված վնասը: Մենք վստահ ենք, որ օրենքի գերակայության վերականգնումը բխում է ոչ միայն Լիդիանի, նրա բաժնետերերի, վարկատուների, աշխատակիցների եւ հարակից համայնքների, այլ նաեւ Հայաստանի շահերից»:

Լիդիանը իրավունք է վերապահում լիովին օգտվել հայաստանյան եւ միջազգային օրենսդրությամբ նախատեսված բոլոր իրավական պաշտպանության միջոցներից՝ բոլոր վեճերի լուծման հարցում»,–ասված է ընկերության տարածած հայտարարության մեջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԶԼՄ-ները ներկայացրել են ամերիկյան սուզանավում տեղի ունեցած սեքսուալ սկանդալը
Բացահայտվել են սեքսուալ սկանդալի մանրամասները...
Բուժվող հիվանդն իրեն ցած է նետել Արտաշատի հիվանդանոցի 2-րդ հարկից. Shamshyan.com
Ժամը 21:00-ի սահմաններում Արարատի մարզի բնակիչ Արամ Ավետիսյանը ինքնասպանություն գործելու նպատակով...
Սեւան քաղաքում շմոլ գազից թունավորվել է 3 քաղաքացի
Սեւան քաղաքի 3 բնակիչ շմոլ գազից թունավորվել է...
Շոգեքարշի 4 վագոնները դուրս են եկել հոսքագծից եւ կողաշրջվել
Մեքենավարը մարմնական վնասվածքներով բուժօգնության է դիմել հիվանդանոց...
Ճանապարհային շինարարությամբ զբաղվող ընկերությունը Կապանում ապօրինաբար օգտագործել է ջրային պաշարներ. Վնասը՝ 80 մլն դրամ
Արդյունքում՝ իրավասու պաշտոնատար անձանց՝ պարտականությունները անբարեխիղճ եւ թերի կատարելու հետեւանքով...
84-ամյա ուղեւորուհին մահացել է, իսկ 80-ամյա վարորդը՝ տեղափոխվել հիվանդանոց
Ծովագյուղ-Շորժա-Վարդենիս ճանապարհի 82-րդ կմ-ին «ՈւԱԶ-315195» մակնիշի ավտոմեքենան…