Բոլորս էլ տեսնում են, որ աշխարհի երկրները Հայոց ցեղասպանությունը ճանաչելու ճանապարհին են: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում նշեց ԲՀԿ առաջնորդ Գագիկ Ծառուկյանը:
Նրա խոսքով, այսօր սփյուռքահայության, ամբողջ ազգի հիմնական նպատակն այն է, որ Ցեղասպանությունը ճանաչում ունենա:
«Ամերիկայի 45-րդ նահանգը արդեն ուզում է ճանաչել, Ֆրանսիան ու Ֆրանսիայի նախագահը ընդունեց, որ ամեն տարի ապրիլի 24-ը սգո օր է, Իտալիան աշխատանքները կատարում է: Սա ոչ թե միայն կառավարությունը, իշխանությունը, խորհրդարանը, դա մեր ամբողջ աշխարհի հայության խնդիրն է: Բոլորը աշխատում են եւ դրա արդյունքները բոլորն էլ նկատել են, ինքնստինքյան դուք էլ եք զգում, որ կարճ ժամանակ է մնացել, որ Թուրքիան այդ ոճրագործության պատասխանը տա ամբողջ աշխարհի առաջ: Որ ոչ մի ազգ ցեղասպանությունը չզգա»,-ասաց Ծառուկյանը:
Նա նշեց, որ «լիարժեք նկատել են», որ ամեն տարի մարդիկ այդ վիշտը ապրելով, սգալով ամեն ինչ անում, են որ Ցեղասպանությունը միջազգային ճանաչում ունենա. «Մենք պետք է կարողանանք ներկայացնել այս հարցը՝ սայթերով, ինտերնետով, խորհրդարաններում, մեր կապերով: Դա էնպիսի բան է, որ արդարությունը, ասենք, հիվանդանում է, բայց չի մահանում: Հիմա հարցը ավելի շատ է քննարկվում, ավելի շատ երկրներում են ճանաչում»:
Հարցին, թե Ցեղասպանության ճանաչման գործընթացում մեր կողմից պե՞տք է նախապայմաններ լինեն, ԲՀԿ առաջնորդը պատասխանեց. «Ամեն ինչ էլ պետք է լինի, տարածքներն էլ, վնասներն էլ: Լիարժեք հենց այնպես չի, ասենք 1,5 մլն հայություն, որ իրենց քմահաճույքով կամ զավթելով հողատարածքները… որ ամեն ինչ մեր սրտով լինի, պետք է պատասխան տան եւ տարածքային, եւ ֆինանսական, եւ բարոյական»: