Ապրիլի 17-ին Ինդոնեզիայում տեղի ունեցած համընդհանուր ընտրություններում ձայների հաշվարկի ժամանակ գերհոգնածությունից մեռածների թիվը հասել է 139-ի։ Այս մասին Ջակարտայում տեղեկացրել է քաղաքականության, արդարադատության եւ անվտանգության հարցերով նախարար-համակարգող Վիրանտոն, տեղեկացնում է ՏԱՍՍ-ը։
«Այսօրվա դրությամբ ընտրական հանձնաժողովների 139 ներկայացուցիչ վախճանվել է, ավելի քան 500-ը՝ տեղափոխվել հիվանդանոց»,- նրա խոսքերը մեջբերում է «Կողմնացույց» լրատվական պորտալը։
Ավելի վաղ տեղեկացվում էր 92 մահացածի մասին։
Երկրի Կենտրոնական ընտրական հանձնաժողովի նախագահ Արիֆ Բուդիմանը ընտրություններն անվանել է ամենամասշտաբայինն աշխարհում։ Ինդոնեզիայի քաղաքացիները ապրիլի 17-ին քվեարկել են նախագահի, խորհրդարանի երկու պալատների եւ տեղական օրենսդիրների ընտրության համար։ Ընտրություններին մասնակցել է 240 հազար թեկնածու, որոնք հավակնել են 20 հազար տեղի։ Ներկայացվածությունն ընտրություններին կազմել է ձայնի իրավունք ունեցող 193 մարդու մոտ 80 տոկոսը։ Ամբողջ երկրում բացվել է ավելի քան 813 հազար ընտրատեղամաս։