Ես չեմ ասում, որ այս մեկ տարում չկան փոփոխություններ, բայց տնտեսական, սոցիալական փոփոխություն չկա, իսկ հիմնական խնդիրն այն է, որ մարդիկ նորից պատրաստվում են արտագաղթել: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում նշեց ԲՀԿ առաջնորդ Գագիկ Ծառուկյանը:
Հարցին, թե մեկ տարում դա հնարավո՞ր էր իրականացնել, Ծառուկյանն արձագանքեց. «Երեք ամսում էլ է հնարավոր: Սկզբունքը, մոտեցումը, ոնց որ սեփականատերը, կարա ծրագիր կազմի, թե որտեղ ինչ դնի, ու դրա դիմաց ինչ է ստանալու: Ի՞նչ է, մի պուճուր երկիր ունենք, ամենալավ հողերը մենք ունենք, ամենալավ տարածքում մենք ենք, որ կարող ենք եւ ԵՏՄ-ի համար, եւ Էմիրաթների համար աշխատել: Մինչդեռ հողերի 60 տոկոսը չի մշակվում»:
Ծառուկյանը նշեց, որ գնացել է գյուղերը, տեսել է, որ չեն մշակվում, ինքը վերցրել է այդ հողերը, որ բամբակ մշակի:
