Շրի Լանկայի նախագահ Մայթրիպալա Սիրիսենան խնդրել է պաշտպանության պետական նախարարին եւ ոստիկանության գլխավոր տեսչին հրաժարական տալ։ Այս մասին՝ հղում կատարելով սեփական աղբյուրներին, չորեքշաբթի տեղեկացրել է News 1st պորտալը, հաղորդում է ՏԱՍՍ-ը։

Ավելի վաղ Սիրիսենան խոստացել էր վերակազմակերպել ուժային կառույցները եւ կոշտ միջոցներ ձեռնարկել հատուկ ծառայությունների աշխատակիցների հանդեպ, որոնք միջոցներ չեն ձեռնարկել կիրակի տեղի ունեցած ահաբեկչությունները կանխելու համար, չնայած դրանց սպառնալիքի մասին նախազգուշացմանը։ Նա նշել է, որ համապատասխան որոշում կկայացնի 24 ժամվա ընթացքում։

Հնդկաստանի իշխանությունները Շրի Լանկայի հատուկ ծառայություններին նախազգուշացրել էին իսլամական ծայրահեղականների կողմից ահաբեկչությունների սպառնալիքի մասին պայթյունների նախօրեին, որոնք տեղի ունեցան Կոլոմբո քաղաքում անցած կիրակի։ Շրի Լանկայի վարչապետ Ռանիլ Վիքրամասինգհը ավելի վաղ «մեծ սխալ» էր անվանել այն, որ հնդկական կողմը ժամանակին չէր օգտագործել եւ ինչպես հարկն է չէր մատուցել այս տեղեկատվությունը։