Մեզ համար անընդունելի է այն, որ Թուրքիայի դեսպանատան առաջ նաեւ երեխաների մասնակցությամբ ակցիա է կազմակերպվել՝ ի պատասխան Հայոց ցեղասպանության զոհերի հիշատակին նվիրված մեր ակցիային: Aliq Media-ի թղթակցի հետ զրույցում այս մասին ասել է վրացական «Խաղաղության հիմնադրամի» հիմնադիր, «Արձագանք» հարթակի ղեկավար Գեորգի Թումասյանը:
Նա հիշեցրել է, որ ապրիլի 23-ին Թուրքիայում նշվում է Երեխաների տոնը:
: Մ«Տարօրինակ է, որ մինչ ողջ աշխարհը հիշում է Հայոց ցեղասպանության զոհերին, նրանք տոն են նշումենք այս գործողությունները գնահատում ենք որպես ցեղասպանության շարունակություն, քանի որ միջազգային իրավունքի նորմերին համապատասխան ցեղասպանության չճանաչումը նրա շարունակություն է նշանակում», - նշել է նա:
Գեորգի Թումասյանը հավելեց, որ եթե Վրաստանը ցանկանում է դառնալ եվրոպական հասարակության մաս, ապա պետք է գնահատի այն ողբերգական իրադարձությունները, որոնք միլիոնավոր հայ զոհերի են հանգեցրել:
«Վրաստանի հայ համայնք» կազմակերպության անդամ Արթուր Միրզոյանը հայտարարել է, որ քաղաքային իշխանությունները ստեղծում են արհեստական խոչընդոտներ հանրահավաք անցկացնելու համար:
Հանրահավաքի մեկ այլ մասնակից քաղաքային իշխանություններին, մասնավորապես Կախա Կալաձեին մեղադրել է համերգի ձեւով կեղծ ակցիային աջակցելու եւ հարցը քաղաքականացնելու համար:
Նշենք, որ Թբիլիսիի հայերը Թուրքիայի դեսպանատան առաջ «Պահանջ եւ հատուցում» բողոքի ակցիա են անցկացնում: Ցուցարարները պահանջում են ճանաչել Հայոց ցեղասպանությունը:
Մինչ այդ ակցիայի մասնակիցները ծաղիկներ են դրել Սուրբ Էջմիածին եկեղեցու բակում Հայոց ցեղասպանության զոհերի հուշահամալիրի մոտ գտնվող խաչքարին: Ակցիայի մասնակիցներից մեկն ասել է, որ Արեւմտյան Հայաստանը, Կիլիկիան եւ այլ հայկական հողեր վաղ թե ուշ կվերադարձվեն:
Ցուցարարները տարբեր լեզուներով, այդ թվում թուրքերեն հնչեցնում են իրենց պահանջները:
Նշենք, որ Վրաստանը, որտեղ հայերը ամենամեծ ազգային փոքրամասնությունն են կազմում, նույնպես չի ճանաչել Ցեղասպանությունը:
