ՄԱԿ-ի Մարդու իրավունքների գերագույն հանձնակատար Միշել Բաչելետեն Սաուդյան Արաբիայում զանգվածային մահապատիժը անվանել է «ցնցող» եւ «նողկալի», հաղորդում է AP-ն:
Նրա հայտարարության համաձայն՝ գլխատման միջոցով պատիժը տեղի է ունեցել թագավորության 6 քաղաքներում՝ չնայած իրավապաշտպանների՝ պատշաճ իրավական ընթացակարգի մասին բազմիցս զգուշացումներին:
Բոլոր դատապարտվածները, հիմնականում շիաները, դատապարտվել են ահաբեկչության հետ կապված հանցագործությունների համար: Դատապարտված սուննի ծայրահեղականի մարմինը եւ գլուխը ամրացվել են ձողին եւ ցուցադրվել որպես նախազգուշացում:
Բաչելետը նշել է, որ «հատկապես նողկալի է, որ մահապատժի ենթարկվածներից առնվազն երեքը դատավճռի հրապարակման ժամանակ անչափահաս էին»:
Նա Սաուդյան Արաբիային կոչ է արել վերանայել հակաահաբեկչական օրենսդրությունը եւ արգելել մահապատիժը:
Սաուդյան Արաբիայի կառավարությունը նախօրեին հաղորդել էր 37 մարդու մահապատժի մասին: