Ժամանակը կգա եւ Սերժ Սարգսյանը կխոսի: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում նշեց ԱԺ նախկին նախագահ Գալուստ Սահակյանը:
Դիտարկմանը, թե գուցե կարծում է, որ ինքը դեռ սխալ է, դրա համար չի խոսում, Գալուստ Սահակյանն ասաց. «Սերժ Սարգսյանը երբեք չի սխալվում: Նա նման բան չի հայտարարել եւ երբեք էլ չի սխալվել»:
Հիշեցմանը, որ իր հրաժարականի տեքստում Սերժ Սարգսյանն ասել է. «Նիկոլը ճիշտ էր, ես սխալ», Գալուստ Սահակյանն արձագանքեց. «Ես կարծում եմ, որ պետք է հայկական ալեգորիաները, մոտեցումները, այդ ամենը պետք է տիրապետեք, որ կարողանաք մտածել, թե ով ինչ է ասում եւ ինչ սկզբունքով»:
