Եգիպտական դատարանը մահապատժի է դատապարտել երկու վանականների՝ Կահիրեից հյուսիս գտնվող վանքում անցյալ տարի աբբայի սպանության համար՝ հայտնում է AP-ը։

Դամանխուրի քրեական դատարանը վճիռ է կայացրել աստիճանից զրկված երկու վանականների՝ Իսայիի եւ Ֆալտաուսի հանդեպ։ Նրանք կարող են բողոքարկել որոշումը։

Նրանց մեղավոր են ճանաչել եպիսկոպոս, Սբ․ Մակարիա վանքի վանահայր Եպիֆանիի սպանության մեջ։ Վանահոր մահը ցնցել էր Եգիպտոսի ղպտիական ուղղափառ եկեղեցուն։

Եպիֆանիի մահից հետո եկեղեցին կարգապահության խստացման միջոցառումներ է ձեռնարկել, այդ թվում՝ մեկ տարով դադարեցրել է նորեկների ընդունումը իր շարքեր։