News
Լրահոս
News
Երկուշաբթի
Մայիս 27
Տեսնել լրահոսը


Այս տարի ՀՀ երկրորդ նախագահ Ռոբերտ Քոչարյանի փոխարեն իր աշխատակազմն է այցելել Ծիծեռնակաբերդ եւ նրա անունից ծաղկեպսակ է դրել  Հայոց ցեղասպանության զոհերի հուշարձանին։ Այս մասին NEWS.am-ի հետ զրույցում ասաց Ռոբերտ Քոչարյանի գրասենյակի ղեկավար Վիկտոր Սողոմոնյանը։

«Ամեն տարի նախագահն անձամբ և ընտանիքի անդամների հետ այցելել է Ծիծեռնակաբերդ, իսկ երկրում չլինելու դեպքում իր անունից ծաղկեպսակ է դրվել անմեղ զոհերի հիշատակին։ Բայց այս տարի հայտնի պատճառներով չի կարողացել, ուստի դա արել է իր աշխատակազմը, իր անունից նաեւ ծաղկեպսակ է դրվել»,– նշեց նա։

Վիկտոր Սողոմոնյանի խոսքով՝ Ռոբերտ Քոչարյանի ուղերձը օրվա կապակցությամբ կրկնակի տխուր է. «Այս տարվա նախագահի ուղերձը շատ տխուր է, կարծում եմ՝ բոլորիս համար, եւ ոչ միայն այն պատճառով, որ Հայոց ցեղասպանության 104-րդ տարելիցն է, այլ այն պատճառով, որ այն նախագահը, որի օրոք Հայոց ցեղասպանության ճանաչումը մտավ արտաքին քաղաքական օրակարգ, իր օրոք 13 երկիր պաշտոնապես ճանաչեց  Հայոց ցեղասպանությունը, նա հիմա ապօրինի կալանավորված է եւ քաղաքական հետապնդման  է ենթարկվում իր երկրում։ Սա կրկնակի բացասական ուղերձ է այսօրվա կապակցությամբ»։

Հիշեցնենք, որ Ռոբերտ Քոչարյանը գտնվում է կալանքի տակ։ Նա մեղադրվում է ՀՀ քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու մեջ։ Նրա պաշտպանական խումբը, մի խումբ քաղաքական եւ հասարակական գործիչներ պնդում են, որ Քոչարյանի հանդեպ իրականացվում է քաղաքական հետապնդում։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրք կին կուսակցապետին Հայոց ցեղասպանության մասին գրառման համար մեղադրանք ներկայացվել
Ջանան Քաֆթանջըօղլուի դեմ ներկայացված մեղադրանքներով նրա համար...
Հայոց ցեղասպանության մասին Էրդողանի ատելության ելույթը քննարկվել է Նիդերլանդների խորհրդարանում
Քննարկումների ժամանակ նախարարը ստիպված եղավ մի քանի անգամ հաշիվ տալ ոչ միայն Թուրքիայի հետ հարաբեությունները վերականգնելու, այլեւ ընդլայնելու միջոցների մասին...
ՀՀ ԱԳՆ-ն հույս ունի, որ Բելգիան կճշտի դիրքորոշումը Հայոց ցեղասպանության ժխտման քրեականացման հարցում
ՀՀ ԱԳՆ-ն հույս ունի, որ Բելգիայի խորհրդարանը կճշտի իր վերաբերմունքը...
Թուրքիայի հայերը, ասորիները եւ հույները ենթարկվել են ցեղասպանության աստիճանական արշավանքի
Թուրքերը, որոնց օգնում էին նույնպիսի մուսուլմաններ, ինչպես քրդերը, չերքեզները, չեչենները եւ արաբները, կոտորածի ժամանակ սպանել են…
Մեքսիկայի Միչոական նահանգի Կոնգրեսը Հայոց ցեղասպանությունը ճանաչող հայտարարություն է ընդունել (ֆոտո)
Նշենք, որ սա առաջին դեպքն է, երբ Մեքսիկայում օրենսդիր մարմնի կողմից ընդունվում է Հայոց ցեղասպանությունը ճանաչող և դատապարտող հայտարարություն...
Ֆրանսիան շարունակելու է Հայաստանի կողքին պայքար մղել հանուն արդարության. Մակրոնի նամակը՝ Արմեն Սարգսյանին
Համատեղ ճակատագիր կերտելու հնարավորություն ունենալու համար պետք է կարողանալ շիտակ նայել անցյալին...