Շրի Լանկայի Բանդարանաիկե միջազգային օդանավակայանը ժամանակավորապես դադարեցրել է աշխատանքը։ Այս մասին Twitter-ի իր էջում տեղեկացրել է News 1st պորտալը։

Նրա տվյալներով՝ օդանավակայանի շենքի դիմացի ճանապարհը փակ է՝ կասկածելի ավտոմեքենայի պատճառով, տեղեկացնում է ՏԱՍՍ-ը։

Ապրիլի 21-ին Շրի Լանկայում երկրի պատմության մեջ ամենամեծ ահաբեկչությունն է տեղի ունեցել, որի հետեւանքով զոհվել է 359 մարդ, տուժել ավելի քան 500 հոգի։ Գործել են ինը մահապարտներ, որոնք Շրի Լանկայի քաղաքացիներ էին, ահաբեկչությունների հետաքննության ընթացքում կալանվել է ավելի քան 60 մարդ։

Ահաբեկչություններից հետո երկրում անվտանգության միջոցները խստացվել են։