News
Լրահոս
News
Երեքշաբթի
Մարտ 19
Տեսնել լրահոսը


ԱԺ Տնտեսական հարցերի հանձնաժողովը աշխատանքային խումբ կստեղծի, որը մանրամասն կքննարկի ցեմենտի ներմուծման համար պետական տուրքի սահմանման մասին օրինագիծը՝ մինչեւ ԱԺ նիստում երկրորդ ընթերցման համար դրա քննարկումը:

Այս մասին ապրիլի 25-ին Ազգային ժողովում ճեպազրույցի ժամանակ ասաց  հանձնաժողովի նախագահ, «Իմ քայլը» իշխող խմբակցության պատգամավոր Բաբկեն Թունյանը:

Նրա խոսքով, նրանք կլսեն ինչպես  ցեմենտի արտադրողների, այնպես էլ շինարարական ընկերությունների ներկայացուցիչներին, ինչպես նաեւ տնտեսագետներին:

«Աշխատանքային խմբի մեջ կմտնեն ինչպես մեր եւ այլ հանձնաժողովների պատգամավորները, այնպես էլ Կառավարության ներկայացուցիչները: Մենք նիստին կհրավիրնենք ինչպես  ցեմենտ արտադրող, այնպես էլ շինարարական ընկերությունների ներկայացուցիչներին, աուդիտորներին եւ տնտեսագետներին: Բոլոր հարցերը կքննարկվեն աշխատանքային խմբի շրջանակում», - պարզաբանեց Թունյանը:

Նա նաեւ նշեց, որ ամենասկզբից Կառավարիությունն առաջարկում էր պետական տուրք սահմանել ինչպես ցեմենտի ներմուծման, այնպես էլ դրա արտադրության հումքի համար: Սակայն ըստ պատգամավորի, քանի որ նրանք հստակ փաստարկներ չեն լսել եւ կոնկրետ տվյալներ եւ ցուցանիշներ չեն տեսել շուկայում տվյալ միջոցների հնարավոր ազդեցության վերաբերյալ, համարել են, որ ներկայումս  ցեմենտի հումքի  համար մաքսատուրքի ներդնումը նպատակահարմար չէ: Թունյանը նաեւ հավաստիացրեց, որ տվյալ օրինագիծը ոչ մեկի դեմ ուղղված չէ:

Հիշեցնենք, որ խորհրդարանն առաջին ընթերցմամբ հավանություն տվեց օրինագծին, որով Իրանից եւ այլ երկրներից ցեմենտի նեմուծման ժամանակ մեկ տոննայի համար 22 հազար դրամի չափով տուրք է սահմանվում: Սակայն դա չէր բավարարել ԲՀկ պատգամավորներին, որոնք պահանջել էին տուրքեր սահմանել նաեւ կլինկերի ներմուծման համար:

Այս առաջարկն իր հերթին առաջացրել էր «Իմ քայլը» պատգամավորների դժգոհությունը, որոնք  դրանում շուկայի մենաշնորհացման  ակնհայտ փորձ էին տեսել:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ-ում փողոցային շարժական առեւտուրը կկարգավորվի նաեւ մարզերում. փոխնախարար
Փողոցային շարժական առեւտուրը կկարգավորվի նաեւ մարզերում...
Համլետ Սահակյանը նշանակվել է ՊԵԿ նախագահի առաջին տեղակալ
Ղեկավարվելով «Հանրային ծառայության մասին» օրենքի 9-րդ հոդվածի 4-րդ մասով...
«Fly Arna» ավիաընկերության լիցենզիան դադարեցվել է ինքնաթիռներ չունենալու պատճառով. փոխնախարար
«Fly Arna» ավիաընկերության լիցենզիան դադարեցվել է...
ՀՀ-ում կզրկեն արտասահմանում կազմակերպված ինտերնետ տոտալիզատորներին մասնակցելու հնարավորությունից
Պետք է արգելվի արտասահմանում կազմակերպված ինտերնետ տոտալիզատորներին մասնակցելու հնարավորությունը...
ՀՀ իշխանությունները հրաժարվել են մասնավորեցնել Վրաստանի սահմանին մոտ գտնվող օդանավակայանը
Ստեփանավանի մոտ գտնվող օդանավակայանը հանվել է մասնավորեցման ենթակա գույքի ցուցակից...
Նախատեսվում է պետական տուրք մտցնել քաղավիացիայի շրջանակում մատուցվող ծառայությունների 13 տեսակների համար
Պետական տուրք մատուցվող ծառայությունների համար...
Ամենաշատ