News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

Ապրիլի 24-ի նախաշեմին կայացավ «Հաճընի ութամսյա հերոսամարտի 100-ամյակին ընդառաջ ոգեկոչման ցերեկույթ՝ նվիրված Հայոց ցեղասպանության 104-րդ տարելիցին» խորագրով միջոցառումը, որը կազմակերպել էր «Հաճըն» հայրենակցական միությունը: Այս մասին NEWS.am-ին հայտնում են «Հաճըն» հայրենակցական միությունից։

Ցերեկույթը, որի կարգախոսն էր «Արդարություն եւ հատուցում», իր օրհնանքով եւ աղոթքով բացեց ԱՀԹ Զորավոր սուրբ Աստվածածին եկեղեցու խորհրդակատար Տեր Վահան քահանա Առաքելյանը, իսկ միջոցառման գեղարվեստական մասն ապահովեցին հայտնի եւ սիրված կատարողներ Գուսան Հայկազունը, Արսեն Գրիգորյանը, Արսեն Համբարյանը, «Նազանի» անսամբլի մեներգիչները (ուսուցչուհի՝ Արմինե Հունանյան): Ներկաները դիտեցին Հաճընի հերոսամարտին նվիրված փոքրիկ ֆիլմ: Ցերեկույթը վարում էր ՀՀ վաստակավոր լրագրող Սարգիս Նաջարյանը: Հայրենասիրական ոգով տոգորված միջոցառումն իրենց ներկայութամբ պատվեցին նաեւ «Դիրքապահ» քառօրյա պատերազմի մասնակիցների միավորում ՀԿ անդամները՝ հանձին ղեկավար Մանուել Մանուկյանի եւ «Անհայտ կորած ազատամարտիկների հարազատների խորհուրդ» ՀԿ անդամները՝ հանձին ղեկավար Ռիմա Առաքելյանի:

Ինչպես նշեց «Հաճըն» հայրենակցական միության ատենապետ, «Տեսակետ» մամուլի ակումբի նախագահ Հովհաննես Գրիգորյան-Ճարպիկյանը՝ նման միջոցառումների նպատակը ոչ միայն Հայոց ցեղասպանության զոհերի հիշատակը միշտ վառ պահելն ու Միության անդամների միջեւ կապերի ամրապնդումն է, այլեւ հաճընցի նախնիների կտակը՝ հաճընցիական ոգին, սերունդներին փոխանցելը եւ նրանց միջոցով Հաճըն անունն ապրեցնելը՝ մինչեւ վերջնական հաղթանակ. «Մենք վստահ ենք, որ թեկուզ ոչ մենք, բայց գոնե մեր ապագա սերունդներն անպայման տեսնելու են ազատագրված Կիլիկիո Հաճընը: Մեր հպարտությունը մեր ինքնությունն է, մեր գենը, որը մենք պարտավոր ենք պահպանել ու փոխանցել մեր ժառագներին»: Ի դեպ՝ մյուս տարի նշվելու է Հաճընի ութամսյա հերոսամարտի 100-ամյակը, որին Միությունը պատրաստվում է արդեն այսօրվանից: Հ. Գրիգորյան-Ճարպիկյանը նշեց. «Անելիքները բազմաթիվ են, ի թիվս այլեւայլ ծրագրերի՝ նախատեսում ենք նաեւ գրքեր տպագրել եւ ֆիլմաշար ստեղծել: Հուսանք՝ մինչ այդ կհասցնենք, եթե, իհարկե, բավարար ֆինանսական միջոցներ լինեն: Նաեւ ցանկություն կա Հայաստանում գիտաժողով անցկացնելու, որը կվերանայի մեր ռազմավարությունը Հայկական հարցի լուծման ուղղությամբ: Ցեղասպանության հետեւանքների վերացումը հնարավոր է միայն ուժեղ պետության կառուցման դեպքում: Այդ կերպ մենք կկարողանանք լուծել ոչ միայն Հայոց ցեղասպանության հետ կապված հարցերը, այլեւ հաղթահարել մեր առջեւ ծառացած այլեւայլ խնդիրներ, ուստի պիտի միասնական լինենք եւ ուժեղ պետություն կառուցենք, որպեսզի կարողանանք դիմակայել մեզ նետված մարտահրավերներին»:

Միջոցառման ընթացքում անդրադարձ արվեց ինչպես Հաճընի ութամսյա դյուցազնամարտի հերոսներին, այնպես էլ՝ Ապրիլյան պատերազմում անմահացած Սուրեն Ճարատանյանին՝ Արցախյան ազատամարտի մասնակից, եւ նորհաճնցի երիտասարդ Գեւորգ Մղդեսյանին: Հաճընցիները դահլիճից դուրս եկան բարձր տրամադրությամբ՝ միջոցառման ավարտին եւս մեկ անգամ հպարտութամբ հիշելով իրենց սիրելի կարգախոսը՝ «Մեր նատուրոն բաշխո ի»:

Տպել
Կարդացեք նաև
Ամբողջը
Վրաստանի վարչապետը հարգանքի տուրք է մատուցել Հայոց ցեղասպանության զոհերի հիշատակին (ֆոտո)
Ծաղկեպսակ է դրել Մեծ եղեռնի զոհերի հուշարձանին և ծաղիկներ խոնարհել անմար կրակի մոտ…
Այժմ ամենահարմար պահն է ԱՄՆ-ի կողմից Հայոց ցեղասպանությունը ճանաչելու համար. կոնգրեսական
Թուրքիան այլեւս արժանի չէ մեր հարգանքին կամ օգնությանը...
Շերը՝ Հայոց ցեղասպանության մասին Սիրիայում իրավիճակի սրման ֆոնին. Թուրքիայի զինվորները դեռեւս արյան ծարավ են
Ես 11 տարեկանից լսում եմ արյունարբու թուրքերի մասին, որոնք խոշտանգել ու սպանել են մոտ 2 միլիոն հայի…
Կալիֆոռնիայի նահանգապետը ապրիլի 24-ին Գլենդելի համայնքի քոլեջը փակելու թույլտվության մասին օրենք է ստորագրել
Օրինագիծը ներկայացվել է սենատոր Էնթոնի Պորտանտինոյի կողմից․․․
Իսրայելում կարող է բացվել Հայոց ցեղասպանության զոհերի հուշահամալիր. Ցինկեր
Փեթահ Թիքվա քաղաքում կարող է բացվել Հայոց ցեղասպանության զոհերի հուշահամալիր...
Քարդաշյան քույրերը գրառում են կատարել Հայոց ցեղասպանության թանգարանի պատվավոր հյուրերի հուշամատյանում
Հարություն Մարությանը Քարդաշյան քույրերին նվիրեց իր հեղինած «Հայ ինքնության պատկերագրությունը. ցեղասպանության հիշողությունը եւ Ղարաբաղյան շարժումը» հատորը…
Ամենաշատ