Քիչ հավանական է, որ ԴԱՀԿ նախկին ղեկավար, ԱԺ նախկին ՀՀԿ-ական պատգամավոր Միհրան Պողոսյանին ՌԴ-ում քաղաքական ապաստան կտրամադրվի: Ապրիլի 25-ին ԱԺ-ում ճեպազրույցի ժամանակ այս մասին ասաց «Լուսավոր Հայաստան» կուսակցության եւ խմբակցության նախագահ Էդմոն Մարուքյանը:
Ընդ որում նա նշեց, որ եթե Պողոսյանին, այնուայմենայնիվ քաղաքական ապաստան տրամադրվի, ապա «շատ վատ» կլինի:
«Այդ դեպքում Պողոսյանի նկատմամբ չեն կարողանա քրեական հետապնդում իրականացնել: Նա այնտեղ կապրի, իր համար Ռուբլյովկայում տուն կգնի եւ այնտեղից կծիծաղի մեզ վրա», - ասաց Մարուքյանը:
