Շատ նախագծեր ավելի արդյունավետ են դառնում, երբ դրանց կանայք են ներգրավվում: Այս մասին ապրիլի 26-ին Հայաստանում առաջին անգամ անցկացվող Կանանց ձեռներեցության միջազգային համաժողովում ասել է Հայաստանում Մեծ Բրիտանիայի Միացյալ Թագավորության եւ Հյուսիսային Իռլանդիայի արտակարգ եւ լիազոր դեսպան Ջուդիթ Ֆարնուորթը:
Նրա խոսքով՝ անհնար է բարգավաճել, եթե հասարակության ամբողջ ներուժը բացահայտված չէ: «Այսօր նման քաղաքական կամքը գոյության տեղ ունի, եւ կանանց ցանկանում են ներգրավել տնտեսության մեջ, բայց կանանց ներուժը, որն ուղղակի անսահման է, պատշաճ կերպով չի օգտագործվում»,- շեշտել է Ֆարնուորթը՝ հավելելով, որ միայն հաջողակ կանայք կկարողանան ինքնավստահ լինել: