Երբ մենք Ազգային ժողովին էինք ներկայացնում կառավարության ծրագրով կատարված աշխատանքի մասին հաշվետվությունը, քննարկում էինք 37 հազար նոր աշխատատեղերի մասին տվյալները: Այս մասին ապրիլի 26-ին Հայաստանում առաջին անգամ անցկացվող Կանանց ձեռներեցության միջազգային համաժողովի շրջանակում լրագրողների հետ զրույցում ասաց տնտեսական զարգացման եւ ներդրումների նախարար Տիգրան Խաչատրյանը՝ մեկնաբանելով վարչապետ Նիկոլ Փաշինյանի հայտարարությունն այն մասին, որ երկրում «թավշյա հեղափոխությունից» հետո 50 հազար նոր աշխատատեղ է հայտնվել:
Ընդ որում՝ նա ընդունեց, որ նվազագույնը 38 հազար աշխատատեղեր ստվերից դուրս բերվածներն են: «Այսինքն՝ մոտ 7-9 հազարը նոր աշխատատեղ է եղել: Հետեւաբար, հիմք ընդունելով իմ գործընկերների որոշակի փորձագիտական գնահատականը՝ կարող եմ ենթադրել, որ ավելի վաղ հայտարարված 50 հազար աշխատատեղերից միայն 10-12 հազարն են իսկապես նոր, իսկ 38-40 հազարը ստվերից դուրս բերվածներն են»,- ընդգծեց Խաչատրյանը:
