News
Լրահոս
News
Ուրբաթ
Մարտ 29
Տեսնել լրահոսը

Մայիսի 1-ից Հարավային Կորեայի իշխանությունները զբոսաշրջիկների համար հասանելի կդարձնեն Հյուսիսային Կորեայի սահմանին Փհանմունջոմ անցակետում Միացյալ անվտանգության գոտի այցելությունը: Այս մասին հայտնել է Հարավային Կորեայի ազգային պաշտպանության նախարարությունը, փոխանցում է ՏԱՍՍ-ը:

Տուրիստական այս ուղղությունը 2018 թվականի հոկտեմբերից փակ էր կողմնակի անձանց այցելությունների համար, երբ Հյուսիսն ու Հարավն այնտեղ ականազերծման աշխատանքներ էին կատարում եւ ըստ սեպտեմբերին ստորագրված ռազմական լարվածության նվազեցման մասին համաձայնագրի՝ երկու տասնյակ պահակակետեր հանում:

Այդ ժամանակ կորեական երկու պետությունները պայմանավորվել էին վերագործարկել Փհանմունջոմ տուրերի ծրագրերը եւ այցելուներին թույլ տալ ազատ տեղաշարժվել սահմանի ինչպես հարավային, այնպես էլ հյուսիսային կողմում: Սակայն Սեուլը, Փհենյանը եւ Վաշինգտոնն առայժմ չեն կարողացել համաձայնեցնել բոլոր մանրամասները, ուստի զբոսաշրջիկներին թույլ կտան այցելել միայն հարավկորեացի եւ ամերիկացի զինվորականների համատեղ վերահսկողության հատված:

«Միջկորեական առաջին գագաթնաժողովի մեկամյակի կապակցությամբ կառավարությունը մայիսի 1-ից սկսած Միացյալ անվտանգության գոտու հարավային հատվածը կբացի քաղաքացիների այցելությունների համար»,- նշել են նախարարությունից: Այդ պահից սկսած զբոսաշրջիկներին հասանելի կլինեն Փհանմունջոմում գտնվող ավելի մեծ թվով պատմական վայրեր: Եթե նախկինում նրանք կարող էին միայն այցելել ռազմական բանակցությունների երկնագույն տաղավարներ, հիմա կարող են տեսնել ծառը, որն անցյալ տարվա մայիսի 27-ին միասին տնկել են Հյուսիսային եւ Հարավային Կորեաների առաջնորդները, ինչպես նաեւ կքայլեն հետիոտնի կամրջով, որի վրա Մուն Չժե Ինը եւ Կիմ Չեն Ընը դեմ առ դեմ կես ժամ զրուցել են:

Հարավային Կորեայի քաղաքացիները կարող են Միացյալ անվտանգության գոտի տուրի հայտը ձեւակերպել Ազգային հետախուզության ծառայության կայքում, իսկ արտասահմանցիները՝ հավատարմագրված տուրիստական գործակալությունների միջոցով:

Կորեական երկու պետությունների սահմանին Փհանմունջոմում Միացյալ անվտանգության գոտին ՄԱԿ հրամանատարության իրավազորության ներքո է, որն, ըստ էության, նեկայացնում են ամերիկացի զինվորականները: Այն ստեղծվել է 1950-53 թվականների Կորեական պատերազմի ավարտից հետո: Սա սահմանին միակ վայրն է, որտեղ հյուսիսկորեացի եւ հարավկորեացի զինվորականները ծառայություն են կրում միմյանցից մի քանի մետր հեռավորությամբ: Նախկինում այս գոտում բազմիցս տեղի են ունեցել ռազմական միջադեպեր, վերջինը՝ 2017 թվականի նոյեմբերին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բոլոր կողմերի շահերից է բխում Կորեական թերակղզում խաղաղության և կայունության ապահովումը. Չինաստանի ԱԳՆ
Չինաստանն ի գիտություն է ընդունել (Հյուսիսային Կորեա) արբանյակի արձակման մասին հայտարարությունը...
Կիմ Չեն Ինը հայտնել է Կորեական թերակղզու ջրերում միջուկային պատերազմի վտանգի մասին 
Թշնամական ուժերի, այդ թվում՝ ԱՄՆ-ի, անխոհեմ առճակատման զորավարժությունների պատճառով...
Գուտերեշը հայտարարել է Հյուսիսային Կորեայի ամբողջական ապամիջուկայնացմանը ՄԱԿ-ի անսասան հանձնառության մասին
«Հիմնական նպատակն ամբողջ տարածաշրջանում խաղաղության, անվտանգության եւ կայունության հաստատումն է...
Փհենյան. Վաշինգտոնի եւ Սեուլի համատեղ զորավարժությունները Կորեական թերակղզին կանգնեցնում են պատերազմի շեմին
Միացյալ Նահանգները եւ Հարավային Կորեան համատեղ զորավարժություններ կանցկացնեն...
Բայդենը Հյուսիսային Կորեայի դեմ ԱՄՆ պատժամիջոցները երկարաձգել է եւս մեկ տարով
Խոսքը Փհենյանի դեմ այսպես կոչված արտակարգ դրության երկարաձգման մասին է, որը 2008, 2010, 2011, 2015, 2016 եւ 2017 թթ. ստորագրված նախագահական մի շարք հրամանագրերի հիման վրա սահմանված սահմանափակումների պահպանում է նախատեսում...
Հարավային Կորեայի նոր նախագահը Հյուսիսային Կորեային կոչ է արել միջուկազերծում իրականացնել
Յուն Սոկ Յոլը խոստացել է աջակցել Հյուսիային Կորեայի զարգացմանը...
Ամենաշատ