Մոտ հազար ցուցարարներ ապրիլի 28-ին մասնակցել են Սիդնեյում բողոքի ցույցին, որով կառավարությանը կոչ են արել ճանաչել Հայոց ցեղասպանությունը։
Ցուցարարներն իրենց բողոքն ուղղել են վարչապետ Սքոթ Մորիսոնին, որը, չնայած ավելի վաղ զանգվածային սպանություններն անվանել էր ցեղասպանություն, իսկ հիմա չի օգտագործում այդ տերմինը, տեղեկացնում է Associated Press Australia-ն։
Անցած շաբաթ իր ելույթում վարչապետ Մորիսոնն ասել էր, որ չի օգտագործում ցեղասպանություն բառը, որովհետեւ ներկայացնում է «երկրի մոտեցումները», իսկ ավելի վաղ տերմինն օգտագործել է որպես «մասնավոր անձ»։
Նոր Հարավային Ուելս նահանգի վարչապետ Գլեդիս Բերեջիկլյանն ավելի վաղ նորից կոչ էր արել կառավարությանը պաշտոնապես ճանաչել ցեղասպանությունը։ «Ժխտումը թույլ է տալիս երկրներին կատարել այդ ահավոր հանցագործությունները՝ կարծելով, որ իրենց կհաջողվի խուսափել հետեւանքներից»,- ասել է նա։
