ԱՄՆ նախագահ Դոնալդ Թրամփը երկուշաբթի երկարացրել է էմբարգոյի գործողությունը, որն ավելի վաղ սահմանվել էր Իրանից նավթի եւ նավթամթերքի մատակարարումների վրա: Այս մասին հայտնել է Սպիտակ տան մամուլի ծառայությունը, փոխանցում է ՏԱՍՍ-ը:
Հրամանում ԱՄՆ առաջնորդը վստահություն է հայտնել, որ աշխարհում բավականաչափ նավթ կա, որ հնարավոր լինի դադարեցնել Իրանի հետ այս ոլորտում համագործակցությունը, եւ դա ցավագին չլինի:
«Ուշադիր գնահատելուց հետո ԱՄՆ Կոնգրես ուղարկված էներգետիկայի նախարարության տեղեկատվական վարչության զեկույցը եւ այլ համապաասխան գործոնները, այդ թվում՝ աշխարհում տնտեսական պայմանները ու Միացյալ Նահանգների եւ այլ երկրների կողմից նավթի արդյունահանման մեծացումը, ինչպես նաեւ նավթի արդյունահանման չգործարկված հզորությունների համաշխարհային մակարդակը եւ ռազմավարական պաշարների առկայությունը, ես եկա այն եզրակացության, որ... բացի Իրանից, աշխարհում այլ երկրների կողմից բավականաչափ նավթ եւ նավթամթերք է արդյունահանվում, որպեսզի թույլ տրվի արտասահմանյան ֆինանսական կազմակերպությունների կողմից Իրանից նավթի եւ նավթամթերքի գնումների զգալի կրճատում»,- նշել է Թրամփը:
ԱՄՆ նախագահը խոստացել է «իրավիճակին ուշադիր հետեւել»: Թրամփը նման եզրակացություն էր կատարել նաեւ կես տարի առաջ:
