Ուկրաինայի նորընտիր նախագահ Վլադիմիր Զելենսկու եռօրյա հանգիստը ընտանիքի հետ հինգաստղանի հյուրանոցում, թուրքական Բոդրումում, կարող է արժենալ 30 հազար դոլար, տեղեկացրել է ՌԻԱ «Նովոստի»-ին հյուրանոցի աշխատակիցը մասնավոր զրույցում, հաշվի առնելով քաղաքական գործչի թռիչքն ընտանիքի հետ՝ հանգիստը կարող էր արժենալ 33 հազար դոլար։
Ավելի վաղ Զելենսկին տեղեկացրել էր, որ մեկնել է հանգստանալու Թուրքիա՝ օգտվելով վերջին չորս ամիսների առաջին հանգստյան օրերից։ Զելենսկին Թուրքիայում մնացել է երեք օր եւ արդեն վերադարձել է Ուկրաինա։
Քաղաքական գործիչն ընտանիքի հետ երկուշաբթի առավոտյան հեռացել է հինգաստղանի հյուրանոցից։
«Հիմա սեզոն չէ, ուստի նախագահական ամառանոցի արժեքը կազմում է 10 հազար դոլար, իսկ ամռանը եռակի բարձր է»,- ասել է հյուրանոցի աշխատակիցը։
Ընդ որում՝ հյուրանոցի աշխատակազմում հրաժարվել են նշել նախագահական ամառանոցում հանգստի արժեքը՝ ասելով, որ այդ հարցը լուծվում է անհատական կարգով։ «Սովորական ամառանոցները մեզ մոտ հիմա 15 հազար դոլար արժեն մեկ շաբաթվա եւ չորս մարդու համար, սովորական համարները՝ 4,5 հազար դոլար»,- ասել է հյուրանոցի աշխատակիցը։