News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

ՀԱՊԿ անդամ երկրների ռազմական գերատեսչությունների ղեկավարները քննարկել են Կենտրոնական Ասիայում իրավիճակը եւ պայմանավորվել 2020 թվականին իրենց զինվորականներին ուղարկել Հաղթանակի մոսկովյան շքերթին: Այս մասին երեքշաբթի Բիշքեկում տեղի ունեցած ՀԱՊԿ Պաշտպանության նախարարների խորհրդի նիստից հետո հայտնել է կազմակերպության գլխավոր քարտուղարի պաշտոնակատար Վալերի Սեմերիկովը, փոխանցում է ՏԱՍՍ-ը: 

«Մենք քննարկել ենք մեծ թվով կարեւոր հարցեր, այդ թվում՝ Կենտրոնական Ասիայում ռազմաքաղաքական եւ ռազմավարական իրավիճակը՝ հաշվի առնելով մարտահրավերներն ու սպառնալիքները, որոնք բխում են Աֆղանստանի տարածքից»,- ասել է նա՝ հավելելով, որ Տաջիկստանի եւ Աֆղանստանի սահմանին իրադրությունը քննարկվել է միանգամից «մի քանի տեսանկյուններով», այդ թվում՝ ռազմական եւ քաղաքական:

Սեմերիկովի խոսքով՝ ՀԱՊԿ երկրների ռազմական գերատեսչությունների ղեկավարների հանդիպման ժամանակ ընդհանուր ստորագրվել է 11 փաստաթուղթ, այդ թվում՝ կազմակերպության երկրների ներկայացուցիչների՝ 2019 թվականի առաջին կիսամյակի – 2020 թվականի առաջին կիսամյակի համար արտաքին քաղաքականության, անվտանգության եւ պաշտպանության հարցերով խորհրդակցությունների ծրագրի նախագիծը, Պաշտպանության նախարարների խորհրդի որոշման նախագիծը ՄԱԿ հակաահաբեկչական ռազմավարության իրականացման վերաբերյալ եւ ՀԱՊԿ երկրների առաջիկա համատեղ զորավարժությունների անցկացման ժամկետների եւ վայրերի մասին փաստաթուղթը, որոնք մոտ ժամանակներում կանցկացվեն Հայաստանում, Բելառուսում, Ղրղզստանում եւ Տաջիկստանում:

Հանդիպման ժամանակ նաեւ որոշում է ընդունվել ՀԱՊԿ երկրների Պաշտպանության նախարարների հաջորդ նիստը այս տարվա նոյեմբերին ԲԻշքեկում անցկացնելու եւ Հայրենական մեծ պատերազմում հաղթանակի 75-ամյակի կապակցությամբ ռազմական շքերթին կազմակերպության երկրների ռազմական ստորաբաժանումների ներգրավման մասին, որը տեղի է ունենալու հաջորդ տարի Ռուսաստանի մայրաքաղաքում:

Բիշքեկում տեղի ունեցող հանդիպմանը մասնակցում են Ռուսաստանի, Հայաստանի, Բելառուսի, Ղազախստանի, Ղրղզստանի եւ Տաջիկստանի պաշտպանության նախարարներրը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ ԶՈՒ ստորաբաժանումը մասնակցում է «Փոխգործակցություն-2019» համատեղ զորավարժությանը
«Փոխգործակցություն-2019» համատեղ զորավարժությունն անցկացվում է ՀԱՊԿ հավաքական անվտանգության ղեկավարման...
ՀՀ պաշտպանության փոխնախարարը մասնակցել է ՀԱՊԿ շրջանակում անցկացված աշխատանքային նիստին
ՀՀ պաշտպանության նախարարի տեղակալ Մ.Ղամբարյանը մասնակցել է Ռուսաստանի Դաշնությունում հոկտեմբերի 9-ից 11-ն անցկացված ՀԱՊԿ անդամ...
Հայաստանի ԶՈՒ ստորաբաժանումը մեկնել է Բելառուս
ՀԱՊԿ անդամ պետությունների զինված ուժերի հետախուզության ուժերի եւ միջոցների «Որոնում-2019» զորավարժությանը...
ՀԱՊԿ-ը Բիշքեկում հանդիպմանը արտակարգ իրավիճակներին համատեղ արձագանքելու մեխանիզմ կկարգավորի
ՀԱՊԿ-ը կփորձի արտակարգ իրավիճակներին համատեղ արձագանքելու մեխանիզմ կարգավորել...
Նոյեմբերին Երեւանում կկայանա ՀԱՊԿ ԽՎ լիագումար նիստը. ԱԺ նախագահ
Կմասնակցեն ոչ միայն Վ.Վոլոդինը եւ իմ ՀԱՊԿ մյուս գործընկերները, այլեւ այլ երկրների խորհրդարանների ղեկավարներ եւս...
Զոհրաբ Մնացականյանը մասնակցել է ՀԱՊԿ անդամ-պետությունների արտգործնախարարների հանդիպմանը
Արտգործնախարարները մտքեր են փոխանակել ՄԱԿ ԳԱ 74-րդ նստաշրջանի օրակարգային հարցերի և դրանց վերաբերյալ ՀԱՊԿ անդամ-պետությունների դիրքորոշումների համադրման...