Շրի Լանկայի նախարարները նախազգուշացվել են, որ ահաբեկիչները, որոնք ապրիլի 21-ին պայթյուններ էին կազմակերպել, գուցե նոր գրոհների շարք են պատրաստում, տեղեկացնում է AP-ը։
Առողջապահության նախարար Ռաջիթա Սենարաթնան ասել է, որ նախարարներին զգուշացրել են այն մասին, որ իրենք կարող են դառնալ հնարավոր գրոհների թիրախ ահաբեկիչ մահապարտների կողմից։
Նրա խոսքով՝ հետախուզության աշխատակիցները հատուկ հրամայել են նրան մնալ տանը կիրակի եւ երկուշաբթի մուսուլման ծայրահեղականների կողմից հարձակման սպառնալիքի պատճառով, որը կապված է «Իսլամական պետության» հետ։
Հիշեցնենք, որ 8 պայթյունների հետեւանքով Շրի Լանկայի հյուրանոցներում եւ եկեղեցիներում զոհվել է ավելի քան 300 մարդ։ Երկրի իշխանությունները ձերբակալել են տասնյակ մարդկանց եւ առգրավել ռումբերի պատրաստման նյութեր։ Բայց պաշտոնյաները զգուշացրել են, որ հարձակումների հետ կապված կասկածյալները դեռեւս ազատության մեջ են։
