Բրիտանացի փորձագետները ժամանել են Կիպրոս, որպեսզի օգնեն տեղի ոստիկանությանը բացահայտել յոթ արտասահմանցի կանանց սպանությունները։ Կասկած կա, որ նրանք սերիական մարդասպանի զոհ են դարձել։
Սպանությունների կասկածանքով կալանավորվել է կիպրոսցի 35-ամյա սպա։ Հայտնի է, որ երկու զոհերի հետ նա ծանոթացել է համացանցի միջոցով։ Երկու կանայք էլ ֆիլիպինուհիներ են եղել։ Կասկածյալը վստահեցնում է, որ նրանց մարմինները լիճն է նետել, սակայն դիակները գտնել առայժմ չի հաջողվել։ Կանանցից մեկը փոքր դուստր է ունեցել, որը, հավանաբար, նույնպես սպանվել է։