2018 թվականին հաջողվել է բացահայտել 12 անգամ ավելի շատ կոռուպցիոն հանցագործություններ, որոնք պետական բյուջեին զգալի վնաս են պատճառել, քան 2017 թվականին: Այս մասին մայիսի 2-ին ԱԺ-ում Պետաիրավական հարցերով խորհրդարանական մշտական հանձնաժողովի նիստում «Հայաստանի հանրապետության դատախազության 2018 թվականի գործունեության մասին» հաշվետվության քննարկման ժամանակ ասաց գլխավոր դատախազ Արթուր Դավթյանը:
Նա նաեւ շեշտեց, որ աճել է ոչ միայն կոռուպցիոն սխեմաների եւ հանցագործությունների հայտնաբերման դեպքերի թիվը, այլեւ պետությանը պատճառված վնասի փոխհատուցման ծավալները: «Այսօրվա դրությամբ՝ քննվում է եւ արդեն քննվել է ընդհանուր 84 մլրդ դրամի մի քանի գործ, որոնցից 27 մլրդ-ն արդեն վերականգնվել է»,- ասաց Դավթյանը:
