Պետական եկամուտների կոմիտեի փոխնախագահ Շուշան Ներսիսյանը իր ֆեյսբուքյան էջում տեղեկացրել է, որ հաշվի առնելով ավտոմեքենաների ներմուծման տեմպերը, դրանք կարող են մաքսազերծվել Հանրապետության բոլոր մաքսատներում:
Նա, մասնավորապես, նշել է.
«2019թ-ի ապրիլին ներմուծվել է 9481 ավտոմեքենա: 2018թ-ի ապրիլին ներմուծվել էր 4324 ավտոմեքենա, ինչը նշանակում է, որ նախորդ ամիս արձանագրել ենք 119% աճ:
Հաշվի առնելով աճի տեմպերը, ուզում եմ հիշեցնել, որ կարող եք ձեր ավտոմեքենան մաքսազերծել հանրապետության ԲՈԼՈՐ մաքսատներում.
Արարատյան (Նորագավիթ)
Արեւմտյան (Կարգո տերմինալ)
Հարավային (Սիսիան)
Հյուսիսային (Գյումրի)
Արեւեյան (Վանաձոր)
Ինչպես նաեւ հիշեցնում եմ, որ Նորագավիթում հունվարից սկսած շաբաթ օրերը լրիվ աշխատանքայի օրեր են»:
