ՄԱԿ մարդու իրավունքների գծով փորձագետները մտահոգություն են հայտնել WikiLeaks-ի հիմնադիր Ջուլիան Ասանժի «անհամամասնական դատավճռի» առիթով, տեղեկացնում է Reuters-ը։
Ասանժը պահվում է Բելմարշի հին ռեժիմի բանտում, «ասես դատապարտված է ծանր քրեական հանցագործության համասր»,- ասվում է ՄԱԿ աշխատանքային խմբի հայտարարությունում, ինչը «հակասում է անհրաժեշտության եւ համամասնականության» սկզբունքներին։ Նրանք գրավ չմուծելու մեղադրանքն անվանել են «աննշան խախտում»։
Ավելի վաղ Լոնդոնի Սաութուարք շրջանի Թագավորական դատարանը Ասանժին դատապարտել էր 50 շաբաթ բանտարկության այն բանի համար, որ 2012-ին նա դատարան չէր ներկայացել, որը նրան 200 հազար եվրո (260 հազար դոլար) գրավի դիմաց ազատ էր արձակել՝ դրա փոխարեն թաքնվելով Էկվադորի դեսպանությունում եւ քաղաքական ապաստան խնդրելով։ Ինչպես ընդգծել է դատավոր Դեբորա Թեյլորը, Ասանժը հնարավորություն կունենա ժամկետից շուտ ազատ արձակվելու՝ միայն պատժի կեսը կրելով։