Ավանդական դարձած՝ ոչխարների խուզման փառատոնն այս տարի անցկացվելու է հունիսի 8-ին Սյունիքի մարզի, Տաթև համայնքի Խոտ բնակավայրում:
Այս մասին NEWS.am-ին հայտնեցին ոչխարների խուզման փառատոնի կազմակերպիչները՝ «Ռազմավարական զարգացման գործակալություն» ՀԿ: Այս տարի ևս անցկացվելու է խուզի մրցույթ, ցուցահանդես-տոնավաճառ, համերգային ծրագիր, իսկ արտերկրից ժամանած վարպետը կցուցադրի ոչխարների խուզման իրենց ավանդական մոտեցումները:
Կազմակերպիչները խոստանում են համեղ ուտեստներ, խաղեր, մրցույթներ և բարձր տրամադրություն։
