News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Մուսուլմանների համար սուրբ Ռամադան ամիսն իր իրավունքների մեջ է մտել կիրակի երեկոյան՝ երիտասարդ լուսնի հայտնվելով, եւ երկուշաբթի կդառնա Մերձավոր Արեւելքում պահքի առաջին օրը, փոխանցում է ՏԱՍՍ-ը: 

Նախօրեին սաուդցի աստղագուշակները եւ իսլամի աստվաբանները, որոնք դեռեւս ուրբաթից հետեւում են Երկրի բնական արբանյակի շարժմանը, արձանագրել են մթնող երկնակամարում երիտասարդ մահիկի ծնունդը: Բարակ լուսնեղջյուրի երեւալու փաստը հաստատել են նաեւ Սաուդյան Արաբիայի աստղադիտարանի մասնագետները, որը մայրաքաղաքից 140 կմ հեռավորությամբ գտնվող գյուղակում է տեղակայված՝ երեք քաղաքների՝ Էր Ռիադի, Սուդեյրի եւ Էլ Քասիմի երթուղիների հատման տեղում: Դրանից հետո թագավորության Գերագույն դատարանը, որն իրավասու է հանդես գալու համապատասխան հայտարարությամբ, պաշտոնապես հայտարարել է, որ մայիսի 6-ին Սաուդյան Արաբիայում, ինչպես նաեւ ԱՄԷ-ում, Եգիպտոսում եւ արաբական պետությունների մեծ մասում սկսվում է Ռամադան ամսվա պահքը:

Չնայած տպագիր եւ էլեկտրոնային օրացույցներին, որոնցում լուսնային օրացույցը, արեւայինի նման, մի քանի տարի առաջ է գրված, մուսուլմանները հնագույն ժամանակների պես այս օրը որոշելու համար հենվում են հեղինակովար աստղագետների եւ աստղագուշակների վրա. նրանց է բաժին ընկնում սարքերի միջոցով կամ նույնիսկ անզեն աչքով երկնքում ապագա լուսնի բարակ թելը տեսնելու կարեւոր առաքելությունը: Իսլամական լուսնային օրացույցը կազմված է 12 ամսից՝ 29 կամ 30 օրով: Լուսնային տարին ունի 354 կամ 355 օր, այս պատճառով արեւային օրացույցից կարճ է: Ռամադանը տարվա 9-րդ ամիսն է, որը հաջորդում է Շաաբանին:

Ռամադանի ավանդույթները

Աշխարհի 1,5 մլրդ-ից ավելի հավատացյալներ առաջիկա ամիս նախատեսում են պահք պահել, ինչը իսլամի 5 սյուներից մեկն է: Ռամադանին չհետեւել թույլատրվում է ճանապարհորդներին, զինվորականներին, ինչպես նաեւ տարեց, հիվանդ մարդկանց, հղի եւ կերակրող կանանց: Ռամադանի ժամանակ փոխվում է պետական հաստատությունների, դպրոցների, բանկերի, խանութների աշխատանքային ժամանակացույցը՝ ամեն ինչ արվում է, որպեսզի մարդկանց ավելի հարմարավետ լինի պահքին հետեւելը:

Ամսվա ընթացքում ուղղահավատներին հրահանգվում է խուսափել ցերեկային ժամերին ուտելուց, խմելուց, ցանկացած ցանկալի զբաղմունքից, իսկ դրա փոխարեն սրտագին աղոթել, զբաղվել աստվածահաճո գործերով, բարեգործությամբ, մտածել հավերժականի եւ հոգու մասին՝ մի կողմ թողնելով աշխարհիկ ամեն ինչ: Կարծիք կա, որ Ռամադանի ժամանակ Բարձրյալը որոշումներ է ընդունում մարդկանց ճակատագրերի մասին: Ուստի կարեւոր է իսլամի պատվիրանների տեսանկյունից իրեն ճիշտ պահելը: Պահքի ժամանակ հարկ է մոռանալ բոլոր վեճերի մասին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄԷ միակ երկիրն է, որը քննադատել է Այա Սոֆիան» մզկիթի վերածելու վերաբերյալ Թուրքիայի որոշումը. Ահլամ ալ Սալամի
Նախ և առաջ կցանկանայի նշել, որ ԱՄԷ-ն դարձել է ՅՈՒՆԵՍԿՕ-ի անդամ դեռևս 1971թ․ Էմիրությունների միավորումից 4 ամիս անց և այսօր էլ ՅՈՒՆԵՍԿՕ-ի Գործադիր խորհրդի անդամ...
Politico. Թուրքիայի քրիստոնյաների համար Սուրբ Սոֆիայի տաճարի հարցով որոշումը եւս մեկ հարված դարձավ
Սուրբ Սոֆիայում գրեթե 90 տարվա մեջ առաջին անգամ Կուրբան բայրամի պատվին նամազ է կատարվել
Նշվում է, որ նախկին քրիստոնեական տաճարում հավաքվել են իսլամի հազարավոր հետեւորդներ...
Էրդողանը Սուրբ Սոֆիայում նամազին Ղուրանից հատուկ հատվածներ է կարդացել (ֆոտո)
Այս հատվածները կարդալը հատուկ է ընտրվել, քանի որ Ֆաթիհա սուրայի հենց ֆաթիհա բառը նշանակում է «նվաճել», իսկ սուրայում Ղուրանի սկիզբն է իր հիմնական սկզբունքներով...
Էրդողանը միացել է հազարավոր աղոթողներին Սուրբ Սոֆիայի տաճարում
Էրդողանը եւ նրա նախարարները պիտակ դիմակներով ծնկի են եկել կապույթ գորգերի վրա նախքան արարողության սկսվելը․․․
Սուրբ Սոֆիայի տաճարի խորհուրդը․ Էրդողանը փուլ առ փուլ ի չիք է դարձնում Աթաթուրքի ռեֆորմները. Ստեփան Դանիելյան
Կան բազմաթիվ եկեղեցիներ, որոնք Թուրքիայում, եւ ոչ միայն Թուրքիայում, մզկիթների են վերածվել, նաեւ կան մզկիթներ, որոնք, հակառակը, եկեղեցիների են վերածվել, մասնավորապես՝ Իսպանիայում...