Պյոտր Պորոշենկոն չի ներկայացել գլխավոր դատախազություն՝ հարցաքննության, ասել է գերատեսչության հատուկ հետաքննության վարչության պետի տեղակալ Սերգեյ Գորբատյուկը։
Ուկրաինայի նախագահը վկա է Եվրամայդանի ժամանակ մարդկանց զոհվելու գործով։
«Ցավոք, ինչպես տեսնում եք, վկան հարցաքննության չի եկել, քննիչի հետ ոչ ոք չի կապվել, չեն տեղեկացրել չներկայանալու պատճառները, տեղափոխելու խնդրանք չի եղել»,- ասել է Գորբատյուկը լրագրողների հետ զրույցի ժամանակ, որը հեռարձակվել է «112. Ուկրաինա հեռուստաալիքով։
Ինչպես ասել է Պորոշենկոն, նա անձամբ է դուրս բերել զոհվածների մարմինները, ինչպես նաեւ օգնել է վիրավորներին Եվրամայդանում։ Այս ելույթի տեսանյութը հրապարակել է լրագրող Տատյանա Վիսոցկայան։ Նա տարակուսանք է հայտնել նախագահի խոսքի առիթով։ Վիսոցկայայի կարծիքով՝ Պորոշենկոն չափազանցում է իր դերը եւ փորձում «փոխել պատմությունը»։