News
Լրահոս
News
Կիրակի
Մայիս 26
Տեսնել լրահոսը

ՀՀ գլխավոր դատախազությունում այսօր՝ մայիսի 7-ին, ստացվել է Արցախի Հանրապետության Նախագահ Բակո Սահակյանի եւ Արցախի Հանրապետության երկրորդ Նախագահ Արկադի Ղուկասյանի դիմումը Ռոբերտ Քոչարյանի նկատմամբ կիրառված խափանման միջոց կալանավորումը փոփոխելու մասին:

Այս առնչությամբ, ՀՀ գլխավոր դատախազը հայտարարություն է տարածել, որտեղ նշվում է.

«Նկատի ունենալով այն հանգամանքը, որ Բակո Սահակյանի եւ Արկադի Ղուկասյանի դիմումը հրապարակվել է բազմաթիվ լրատվամիջոցներով՝ հանրային լայն հետաքրքրության տեղիք տալով, հարկ ենք համարում պարզաբանել հետեւյալը:

ՀՀ քրեական դատավարության օրենսգրքի 151-րդ հոդվածի համաձայն՝ խափանման միջոցը կարող է փոփոխվել քրեական վարույթն իրականացնող մարմնի կողմից:

ՀՀ հատուկ քննչական ծառայությունում նախաքննությունը մեղադրական եզրակացության կազմմամբ ավարտված քրեական գործը՝ ըստ մեղադրանքի նաեւ Ռոբերտ Քոչարյանի, 2019 թվականի ապրիլի 29-ին ըստ էության քննելու համար ուղարկվել է Երեւան քաղաքի ընդհանուր իրավասության դատարան:  Քանի որ տվյալ քրեական գործը ներկայումս գտնվում է Երեւան քաղաքի ընդհանուր իրավասության դատարանում, ՀՀ դատախազությունը տվյալ քրեական գործով վարույթն իրականացնող մարմինը չէ, հետեւաբար նախագահների կողմից ՀՀ գլխավոր դատախազին հասցեագրված դիմումի քննարկումը ներկա փուլում դուրս է ՀՀ դատախազության լիազորությունների տիրույթից:

Բակո Սահակյանը եւ Արկադի Ղուկասյանը դիմել են ՀՀ գլխավոր դատախազին՝ փոխելու Ռոբերտ Քոչարյանի խափանման միջոցը

!
Այս նյութը հասանելի է նաև   English and Русский
Տպել