Շտուտգարտի դատախազությունը «դիզելային սկանդալի» պատճառով տուգանել է Volkswagen խմբի անդամ Porsche ընկերությանը՝ պարտավորեցնելով վճարել 535 մլն եվրո: Այս մասին հաղորդում է РИА Новости-ին`հղում անելով Focus ամսագիրը:
Ավելի վաղ հաղորդվում էր, որ Շտուտգարտի դատախազությունը գործ է հարուցել`կասկածելով, որ Porsche-ի պատասխանատուները վերահսկողական համապատասխան միջոցներ չեն ձեռնարկել`խախտումներ թույլ չտալու համար:
Volkswagen-ը հայտնվել է «դիզելային սկանդալի» կենտրոնում, երբ ԱՄՆ-ում ընկերությունը մեղադրել են, որ դիզելային մեքենաները հագեցած են այնպիսի ծրագրով, որը նվազեցնում է վնասակար նյութերի արտանետումների իրական ցուցիչները:
Ամերիկյան կառավարությունը պարտադրել է ընկերությանը հետ կանչել Volkswagen և Audi մակնիշի 482 հազար մարդատար մեքենա, որոնք երկրում վաճառվել են 2009-2015թթ: 2017թ-ի ապրիլին Volkswagen-ը պատրաստակամություն է հայտնել սպառողներից հետգնել մեքենաները և նրանց փոխհատուցում վճարել: