Գազի հարցով Ռուսաստանի հետ բանակցությունները շարունակվում են: Մայիսի 8-ին մամուլի ասուլիսին այս մասին հայտարարեց ՀՀ վարչապետ Նիկոլ Փաշինյանը՝ պատասխանելով գազի գնի նվազման հնարավորության  մասին հարցին:

«Բանակցությունները շարունակվում են: Մենք հայտնել ենք մեր դիրքորոշումը: Հուսով եմ, որ ռուս գործընկերների հետ համաձայնության կհասնենք», - նշեց Փաշինյանը:

Ավելի վաղ Եվրասիական միջկառավարական հանձնաժողովի նիստին Փաշինյանը հայտարարել էր ԵՏՄ տարածքում միասնական գազային շուկայի ստեղծման կարեւորության մասին: