News
Լրահոս
News
Կիրակի
Հունվար 19
USD
479.61
EUR
533.71
RUB
7.81
ME-USD
0.06
Տեսնել լրահոսը

Հզոր ընդդիմադիր ուժեր են միավորվում, որոնք շուտով մարտահրավեր են նետելու Հայաստանի նոր իշխանություններին։ Այս մասին Reuters գործակալությանը տված գրավոր հարցազրույցում հայտարարել է Հայաստանի երկրորդ նախագահ Ռոբերտ Քոչարյանը՝ հույս հայտնելով, որ ինքն էլ կլինի նրանց մեջ։

Նրա խոսքով՝ Հայաստանում այժմ հայտնվում են նոր քաղաքական գործիչներ և ընդդիմադիր կուսակցություններ։

«Այս գործընթացը, անկասկած, կհանգեցնի հզոր քաղաքական ուժի ստեղծման, որը կարող է շատ արագ իշխանություններին մարտահրավեր նետել»,- ասել է նա:

Հարցին՝ ինքն անձամբ արդյոք կներգրավվի՞ այդ ընդդիմության մեջ, նախկին նախագահը դրական է պատասխանել. «Այո, իհարկե»։ Նա, սակայն, չի մանրամասնել, թե ինչ տեսքով կլինի իր մասնակցությունը:

Խոսելով զանգվածային ցույցերի մասին, որոնք անցյալ տարի Հայաստանում հանգեցրին իշխանափոխության՝ նա նշել է, որ դրանց պատճառը «հանրության շրջանում կուտակված դժգոհությունն էր եւ փոփոխությունների ձգտումը»:

«Ես դա հեղափոխություն չէի անվանի, քանի որ երկրում արմատական փոփոխություններ չեն կատարվել՝ բացի հանրության մեջ մեծ ագրեսիայի, ղեկավարության շրջանում՝ պոպուլիզմի եւ դիլետանտության առաջացումից»,- հայտարարել է Քոչարյանը:

Նա նաեւ պաշտպանել է 2008 թվականի իրադարձությունների ժամանակ իր ընդունած որոշումները: «Կարգը վերականգնվեց միայն արտակարգ դրություն մտցնելուց հետո եւ դրա շնորհիվ: Դա չանելը կնշանակեր նախագահի կողմից պաշտոնական անգործություն դրսեւորել»,- հայտարարել է նա:

Կալանավայրից պատասխանելով Reuters-ի հարցերի ՝ Քոչարյանն ասել է, որ իրեն ներկայացված մեղադրանքները քաղաքական դրդապատճառներ ունեն, և մեղադրել է Փաշինյանի կառավարությանը՝ իրեն անազատության մեջ պահելու նպատակով օրենքներն ընտրողաբար կիրառելու մեջ։

Գործակալությունը նշում է, որ Քոչարյանը երկրի նախագահ է եղել 1998-2008 թթ. և կալանավորվել է անցած տարի ՝ 2008-ի մարտին երկրում արտակարգ դրություն մտցնելու անօրինական   որոշում կայացնելու մեղադրանքով։ Գործակալությունը հիշեցնում է, որ այն ժամանակ ոստիկանության և ցուցարարների միջև բախումների հետևանքով առնվազն 10 մարդ է զոհվել։

Գործակալությունը նշում է, որ 64-ամյա պաշտոնաթող նախագահը ձերբակալվել է նախորդ տարի, այն բանից հետո, երբ երկրում խաղաղ ցույցերի միջոցով Քոչարյանի նախկին դաշնակից և նրան հաջորդած նախագահ Սերժ Սարգսյանը հեռացվեց իշխանությունից, իսկ ընդդիմության առաջնորդ Նիկոլ Փաշինյանը դարձավ երկրի վարչապետ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վիկիլիքսի հիշատակումները Մարտի 1-ին նախորդող իրադարձությունների մասին. «Իմ Ձայնը» նախագիծ
«Իմ Ձայնը» նախագիծը անդրադարձ է կատարել Մարտի 1–ի վերաբերյալ Վիկիլիքսի կողմից գաղտազերծված փաստաթղթերին, որն ամբողջությամբ ներկայացնում ենք ստորև...
«Մարտի 1-ի» գործով Մանվել Գրիգորյանը ցուցմունք չի տվել․ պաշտպան
«Մարտի 1-ի» գործով հետագայում պատմությունը կտա ճիշտ գնահատականը․․․
«Դատարանը հարկ չհամարեց դիմումս հրապարակել եւ տարաբնույթ մեկնաբանությունների տեղիք տվեց». Միհրան Պողոսյան
Շարունակում եմ հանդիսանալ պարոն Յուրի Խաչատուրովի պաշտպանը, սույն նիստին չներկայանալու որոշումս կայացրել եմ դատական նիստից անմիջապես...
Ներսիկ Նազարյանը չի հերքել, որ Մարտի 1–ի գործով համագործակցում է ՀՔԾ-ի հետ. «Փաստինֆո»
Ներսիկ Նազարյանը՝ «Մարտի 1»-ի գործի մասին. նա հարցաքննվել է կասկածի շուրջ, բայց շարունակում է մնալ վկա...
Պաշտպանության նախկին նախարարի փաստաբանը շարունակել է ներկայացնել դեկտեմբերին սկսված միջնորդությունը
Դատավարությունն ընդհատվել էր դեկտեմբերի սկզբին...
ՀՔԾ պետ Սասուն Խաչատրյանի պնդումը չի համապատասխանում իրականությանը․ Սարգիս Գրիգորյան
Այսպիսով, պրն. Խաչատրյանը չի անդրադառնում այն հարցին, թե արդյոք 300.1-րդ հոդվածը բավարարում է․․․
Ամենաշատ