2018-ին Հայաստանում քանակական հարաբերությամբ հանցագործությունների թիվն ավելացել է: Մայիսի 8-ին Ազգային ժողովի նիստում «2018 թվականին դատախազության գործունեության մասին» զեկույցի քննարկման ժամանակ այս մասին հայտարարեց ՀՀ գլխավոր դատախազ Արթուր Դավթյանը:
Նրա խոսքով՝ այս ընթացքում հանցագործությունների 22551 դեպք է գրանցվել: Սա 11.2 տոկոսով ավելին է, քան անցյալ տարի: Սակայն քրեաբանության հարցերում, գնահատելով այս կամ այն երկրում հանցագործությոեւնների աճը կամ նվազումը, ուշադրություն է դարձվում այն հացագործություններին, որոնք ունեն լատենտություն կամ հակառակը՝ չունեն», - հավելեց Դավթյանը:
Ընդ որում նա նշեց, որ 2018-ին Հայաստանում վերջին տասնամյակների ընթացքում գրանցվել է սպանությունների ամենացածր մակարդակը:
Գլխավոր դատախազն ընդգծեց, որ 2018-ին Հայաստանում 38 սպանություն է գրանցվել: Դատախազի հավաստմամբ զգալիորեն կրճատվել է նաեւ առողջությանը ծանր վնաս պատճառելու կամ ավազակային հարձակումների դեպքերի թիվը:
Դավթյանը միաժամանակ խոստովանեց, որ 2018-ին ավելացել է մանր եւ բնակարանային կողոպուտների թիվը:
«2017-ի համեմատ 2018-ին աճը կազմել է գրեթե 60 տոկոս: Այնուհետ մեքենա վարելիս կոպիտ խախտումների թվի աճն է:
Այսպիսով, 2017-ի համեմատ 2018 թ. խախտումների աճը կազմել է գրեթե 30 տոկոս: Բայց ամենից շատ անհագստացնում է այն, որ այդ հանցագործությունների աճի արդյունքում 25 տոկոսով ավելացել է նաեւ մահացու դեպքերի թիվը», - ասաց նա:
Գլխավոր դատախազը տեղեկացրեց, որ 2018 թ. նրանք կարողացել են բացահայտել 12 անգամ ավելի շատ կոռուպցիոն հանցագործություններ, որոնք մեծ վնաս են հասցրել պետական բյուջեին, քան 2017 թվականին:
Նա նաեւ ընդգծեց, որ ավելացել են ոչ միայն կոռուպցիոն սխեմաների եւ հանցագործությունների հայտնաբերման դեպքերը, այլեւ պետությանը հասցված վնասների փոխհատուցման ծավալները: